معروف عالمی ویب سائٹس کا بریک ڈاؤن، صارفین پریشان

معروف عالمی ویب سائٹس کی خدمات کی وسیع پیمانے پر بندش ہوتے ہی صارفین کو ان ویب سائٹس تک رسائی میں مشکلات درپیش ہونے لگیں۔

غیر ملکی میڈیا کے مطابق اکامائی نامی ڈومین نیم سسٹم (ڈی این ایس) کی بندش کی وجہ سے کئی بڑی کمپنیوں بشمول ایئر بی این ابی، پلے اسٹیشن، برٹش ائیر ویز، ڈسکوری، اسٹریم اور دیگر مشہور ویب سائٹس تک رسائی حاصل کرنے میں صارفین کو مشکلات کا سامنا کرنا پڑا۔

اکامائی ڈی این ایس نے اپنے جاری بیان میں کہا ہے کہ مسئلہ حل کردیا گیا ہے اور معمول کے مطابق آپریشن دوبارہ شروع ہوگیا ہے۔

Akamai Summarizes Service Disruption (RESOLVED)

At 15:46 UTC today, a software configuration update triggered a bug in the DNS system, the system that directs browsers to websites. This caused a disruption impacting availability of some customer websites. (1/3)

— Akamai Technologies (@Akamai) July 22, 2021

قبل ازیں میڈیا رپورٹس میں بتایا گیا تھا کہ دنیا کے مختلف حصوں میں صارفین متاثرہ ویب سائٹس تک رسائی حاصل نہیں کر پارہے ہیں۔ مسئلہ حل ہونے کے بعد امریکا اور یورپی ممالک میں ویب سائٹس صارفین کیلئے انٹرنیٹ پر ظاہر ہوگئیں ہیں تاہم ایشیائی ممالک کے صارفین اب بھی مسائل کی اطلاع دے رہے ہیں۔

 واضح رہے کہ ویب سائٹس میں رکاوٹیں آنے کا مطلب یہ ہے کہ ایک ویب براؤزر وہ مواد نہیں ڈھونڈ سکتا جس کی صارف تلاش میں ہوتا ہے۔