ارشد ندیم نے مداحوں کو اپنے جعلی ٹوئٹر اکاؤنٹ سے خبردار کردیا
اولمپکس میں شاندار کارکردگی دکھانے والے قومی ایتھلیٹ ارشد ندیم نے مداحوں کو اپنے جعلی ٹوئٹر اکاؤنٹ سے متعلق خبردار کردیا۔
ارشد ندیم کی جانب سے ٹوئٹر پر ایک ویڈیو شیئر کی گئی ہے جس میں انہوں نے مداحوں سے معذرت کرتے ہوئے بتایا کہ اس سے قبل ٹوئٹر اکاؤنٹ سے متعلق بنائی گئی ویڈیو میں انہوں نے اپنا غلط ٹوئٹر اکاؤنٹ شیئر کردیا تھا۔
ایتھلیٹ کے مطابق ویڈیو میں انہوں نے اکاؤنٹ ایڈریس ارشد ندیم 26کہہ دیا تھا جو کہ غلط ہے، دراصل ان کا اکاؤنٹ ارشد ندیم 76 ہے۔
Thanks all pic.twitter.com/4xLYJ6WNLu
— Arshad Nadeem (@Arshadnadeem76) August 11, 2021
ارشد ندیم نے وضاحت دیتے ہوئے بتایا کہ براہ مہربانی آپ غلط اکاؤنٹ ایڈریس پر اگر کسی سے رابطہ کررہے ہیں تو پہلے ویڈیو کال کرکے تصدیق کرلیں کہ وہ واقعی ارشد ندیم ہے بھی یا نہیں۔
خیال رہے کہ ارشد ندیم ٹوکیو اولمپکس میں شرکت کے بعد آج وطن واپس پہنچے ہیں، اولمپکس میں جیولین تھرو کے فائنل مقابلے میں ارشد ندیم شکست کھاگئے تھے۔
Facebook Comments