پاک نیوزی لینڈ سیریز ملتوی ہونے پر شائقین کرکٹ نے سوشل میڈیا پر بھڑاس نکال دی

2021-09-18

سکیورٹی خطرات کو جواز بناکر گزشتہ روز نیوزی لینڈ کرکٹ ٹیم کی جانب سے دورہ پاکستان ملتوی کردیا گیا جو کہ نہ صرف پی سی بی کیلئے بڑا دھچکا تھا بلکہ شائقینِ کرکٹ بھی اپنی سماعتوں پر یقین نہ کرسکے۔

سوشل میڈیا پر قومی کرکٹ ٹیم سمیت غیر ملکی کھلاڑیوں نے بھی نیوزی لینڈ کے اس اقدام پر شدید غم و غصے کا اظہار کیا اور ٹوئٹر پر پاکستان اور نیوزی لینڈ کا ہیش ٹیگ ٹاپ ٹرینڈ بن گیا۔

تاہم پاکستانی صارفین کی حسِ مزاح کو کوئی مات نہیں دے سکتا جس کا عملی مظاہرہ اس پریشان کن صورت حال میں بھی گزشتہ روز دیکھا گیا۔ سوشل میڈیا صارفین کافی متحرک دکھائی دیے اور اس معاملے پر متعدد میمز بھی بناڈالے۔ کسی نے میم کے ذریعے اپنا دِل ہلکا کیا تو کوئی نیوزی لینڈ کو کوستا رہا۔

Pakistan is the most safest Country, Even if you Have Concerned you Can ASk from Abhinandan, He Explain You Better😅.
The Tea Is Fantastic
🇵🇰#PAKvNZ #BCCI
NZ PM #RamizRaja pic.twitter.com/ZBEmeX23Ve

— Younis Sewag (@YounisSewag) September 17, 2021

ایک ٹوئٹر اکاؤنٹ نے ‘ٹی از فینٹاسٹک’ جیسا تاریخی جملہ کہنے اور پاکستان میں پکڑے جانے والے بھارتی پائلٹ ابھی نندن کی تصویر شیئر کرتے ہوئے ٹرول کیا کہ پاکستان سب سے زیادہ محفوظ ملک ہے، اگر کسی کو شک ہے تو وہ اس پائلٹ سے پوچھ سکتا ہے، یہ آپ کو اچھی طرح سے بتائے گا۔

ایک اور صارف نے معروف بھارتی فلم ‘بھاگم بھاگ’ میں اکشے کمار کے ایک یادگار ڈائیلاگ اور سین کی تصویر پوسٹ کی جس میں اکشے کہہ رہے ہوتے ہیں کہ ‘بہن ڈر گئی، بہن ڈر گئی’۔ صارف نے کیپشن میں لکھا کہ ’وزیر اعظم پاکستان عمران خان اس وقت نیوزی لینڈ کی وزیر اعظم جیسنڈا آرڈرن کے بارے میں یہ سوچ رہے ہیں۔‘