امریکا میں ٹرین کی 7 بوگیاں پٹری سے اتر گئیں، 3 افراد ہلاک
ہیلینا(دھرتی نیوز انٹرنیشنل ڈیسک) امریکی ریاست مونٹانا میں ٹرین کی 7 بوگیاں پٹری سے اتر گئیں، حادثے کے نتیجے میں 3 افراد ہلاک اور متعدد زخمی ہوگئے۔
امریکی حکام کے مطابق مونٹانا کے شمالی وسطی علاقے میں پیش آنے والے ٹرین حادثے 50 افراد زخمی بھی ہوئے۔
حکام کے مطابق ٹرین میں پھنسے تمام افراد کو نکال لیا گیا ہے اور زخمیوں کو اسپتال منتقل کر دیا گیا ہے۔
امریکا حکام کا بتانا ہے کہ حادثے کا شکار ہونے والی ٹرین میں عملے کے 16 افراد اور 146 مسافر سوار تھے، فوری طور پر ٹرین حادثے کی وجوہات سامنے نہیں آ سکی ہیں تاہم حکام نے تحقیقات کا آغاز کر دیا ہے۔
متعلقہ خبریں
Facebook Comments