جمعہ 29 مارچ 2024

کے پی کے، پولیس اہلکار نے زندہ دلی کی مثال قائم کردی

کے پی کے، پولیس اہلکار نے زندہ دلی کی مثال قائم کردی

یہ ویڈیو پولیس سپرنٹنڈنٹ حسن جہانگیر کی جانب سے مائیکرو بلاگنگ سائٹ ٹوئٹر پر شیئر کی گئی جس میں واضح طور پر دیکھا جاسکتا ہے کہ کس طرح پولیس اہلکار نے نہر میں ڈوبتے ہوئے کُتے کی جان بچائی۔

ویڈیو شیئر کرتے ہوئے پولیس سپرنٹنڈنٹ حسن جہانگیر نے بتایا کہ ’یہ کُتا نہر میں گِرگیا تھا اور نہر سے باہر نہیں نکل پارہا تھا لیکن خیبرپختونخوا کے اِس بہادر کانسٹیبل نے سُپر ہیرو کا کردار ادا کرتے ہوئے اِس بےزبان جانور کو بچالیا۔‘

اُنہوں نے کہا کہ ’تمام جانداروں کے ساتھ مہربانی سے پیش آنا ہمارا فرض ہے۔‘

کے پی کے پولیس کانسٹیبل کی ویڈیو دیکھنے کے بعد ہر کوئی اُن کی تعریف کرتا نظر آرہا ہے اور اُن کے اِس نیک کام نے اُنہیں بےحد مشہور کردیا ہے۔

Facebook Comments