ہیومن رائٹس واچ کا میرشکیل الرحمٰن کی رہائی کا مطالبہ

ڈائریکٹرایشیا ہیومن رائٹس واچ نے جاری بیان میں کہا ہے کہ پاکستانی حکام میرشکیل الرحمن کے خلاف سیاسی الزام فوری ختم کریں اور ان کےاہلخانہ کو ہراساں کرنا بند کیا جائے۔

ڈائریکٹر ایشیا ہیومن رائٹس واچ نے ایک بیان میں کہا ہے کہ پاکستانی حکام اختلاف رائے کیخلاف اینٹی کرپشن کےمبہم قانون کااستعمال بند کریں،

میر شکیل الرحمٰن کے بچوں کی گرفتاری کی استدعا مضحکہ خیز ہے۔

ڈائریکٹر ایشیا ہیومن رائٹس واچ نے اپنے بیان میں مزید کہا کہپاکستانی حکومت کو صحافیوں، اپوزیشن اور تنقید کرنے والوں کیخلاف نیب کا استعمال بند کرنا چاہیے۔

انہوں نے کہا کہ پاکستانی حکومت کو سب سے پہلے آمرانہ دور کے ظالمانہ قانون کو رد کرنا چاہیے۔

ہیومن رائٹس واچ نے کہا ہے کہ پاکستانی حکومت آزادی اظہار رائے کے حقوق کم کرنیوالا قانون استعمال نہ کرے۔