ھفتہ 08 اگست 2020

موبائل کالز پر فراڈ، اسٹیٹ بینک نے شہریوں کے لیے اہم ویڈیو جاری کردی

کراچی: اسٹیٹ بینک آف پاکستان نے شہریوں کو متنبہ کیا ہے کہ وہ اپنے اے ٹی ایم یا کریڈٹ کارڈز کی معلومات کسی کو بھی فراہم نہ کریں۔

اسٹیٹ بینک آف پاکستان کے ترجمان نے سماجی رابطے کی ویب سائٹ ٹویٹر پر ایک ویڈیو پیغام جاری کیا جس میں شہریوں سے اپیل کی گئی ہے کہ وہ ٹیلی فون یا موبائل کالز پر کسی بھی شخص کو اپنی ذاتی معلومات فراہم نہ کریں۔

اسٹیٹ بینک آف پاکستان نے صارفین کو متنبہ کیا کہ فون یا موبائل کالز پر اگر کوئی شخص خود کو بینک کا نمائندہ ظاہر کر کے اے ٹی ایم یا کریڈٹ کارڈز کی معلومات حاصل کرنے کی کوشش کرے تو اُس کی شکایت فوری درج کرائیں۔

اسٹیٹ بینک آف پاکستان نے اس حوالے سے ہیلپ لائن نمبر اور ای میل جاری بھی جاری کی ہے اور شہریوں سے اپیل کی کہ وہ جعلی کالز موصول ہونے کے بعد مذکورہ نمبر کی شکایات درج کرائیں۔

 

HANDLE YOUR PERSONAL INFO WITH CARE
Getting calls asking for your bank account details?#SBP advises public not to share your personal/financial info with such callers.Immediately report such calls to your bank or SBP helpline at 021-111-727-273 or email at cpd.helpdesk@sbp.org.pk pic.twitter.com/ReKTMepvR3

— SBP (@StateBank_Pak) July 20, 2020

واضح رہے کہ پاکستان بھر میں شہریوں کو پرائیوٹ نمبرز سے کالز موصول ہونے کی شکایات سامنے آرہی ہیں، جن میں کال کرنے والا شخص خود کو اسٹیٹ بینک آف پاکستان کا نمائندہ ظاہر کر کے بینک اکاؤنٹ، اے ٹی ایم کارڈ نمبر، پن کوڈ، کریڈٹ کارڈ نمبر حاصل کر کے اکاؤنٹ میں موجود رقم لے اڑتا ہے۔

 


دنیا بھر سے خاص خاص خبریں بین الاقوامی نیوز بلیٹن دوپہر 12 بجے ہفتہ 8 اگست 2020) جہانگیر ترین کی شوگر مل پنجاب حکومت سے ہاتھ کر گئی پاک فوج نے کراچی میں ریلیف آپریشن کا آغاز کردیا