جمعرات 28 مارچ 2024

کھانسی سے کرونا کی تشخیص کرنے والی موبائل ایپ

کھانسی سے کرونا کی تشخیص کرنے والی موبائل ایپ

برلن: جرمنی کی ٹیکنالوجی کمپنی نے کھانسی سے کرونا کی تشخیص کرنے والی موبائل ایپ کی تیاری شروع کردی۔

بین الاقوامی میڈیا رپورٹ کے مطابق جرمن کی ٹیکنالوجی کمپنی نے Neue Aufnahme نامی ایک ایسی ایپ تیار کی تیاری کرلی جو کھانسی کی آواز سے جسم میں کرونا وائرس کی موجودگی کا بتائے گی۔

کمپنی کے مطابق یہ ایپ کسی بھی شخص‌کی کھانسی کی آواز کو ریکارڈ کرے گی اور 30 منٹ‌کے اندر آواز کا تجزیہ کر کے مذکورہ شخص کے بارے میں بتائے گی کہ آیا وہ کرونا کا مریض ہے یا نہیں ہے۔

صارفین ایپ میں اپنی چھینک کی آواز بھی ریکارڈ کرسکیں گے جس کے بعد اُس کی آوازوں کا موازنہ کرونا سے متاثرہ افراد کی آوازوں کے ساتھ کرے گی اور اسی بنیاد پر وائرس کی تشخیص سے متعلق نتائج دے گی۔

کمپنی کا دعویٰ ہے کہ یہ ایپ صارفین کی عمر، جنس اور صحت سے متعلق تمام تر معلومات لوگوں کی ریکارڈنگ سننے کے بعد خود ہی پہچان لے گی۔

ابھی تک کمپنی نے یہ وضاحت پیش نہیں کی کہ یہ ایپ عام صارفین کو دستیاب ہوگی یا نہیں البتہ ٹیکنالوجی پر نظر رکھنے والے ماہرین کا ماننا ہے کہ اس کو تجربے کے لیے اسپتالوں میں دیا جائے گا۔

Facebook Comments