مصر نے پاکستانی سرمایہ کاروں کو خوشخبری سنا دی
پاکستان میں تعینات مصر کے سفیر طارق محمد حسین دہرگ نےکہاہے کہ اُن کا ملک پاکستان کے ساتھ باہمی تجارتی تعلقات کومزیدفروغ دینےکاخواہاں ہے کیونکہ دونوں ممالک کےدرمیان متعدد شعبوں میں دو طرفہ تجارت بڑھانے کی عمدہ صلاحیت موجود ہے۔
اسلام آباد چیمبر آف کامرس میں تاجر برادری سے خطاب کرتے ہوئے مصر کے سفیر محمد حسین دہرگ نے کہا کہ وہ مصر اور پاکستان کے مابین تجارتی تعلقات کو مزید بہتر کیلئے پرعزم ہیں اوراس مقصد کیلئے تمام ممکنہ کوششیں کرنے کو تیار ہیں کیونکہ اس سے دونوں ممالک کی معیشتوں کے لئے فائدہ مند نتائج برآمد ہوں گے۔ انہوں نے کہا کہ مصر کے ساتھ تجارتی تعاون بڑھا کر پاکستان افریقی ممالک بشمول لیبیا، مراکش، سوڈان اور الجیریا کی مارکیٹوں تک بہتر رسائی حاصل کرسکتا ہے، پاکستان اور مصر کو براہ راست برآمدات کو فروغ دینے پر توجہ دینی چاہئے جو دونوں کیلئے زیادہ فائدہ مند ہو گی۔ انہوں نے کہا کہ پاک مصر بزنس کونسل کے لئے کافی عرصہ پہلے ایک معاہدے پر دستخط ہوئے تھے لیکن اس پر مزید کوئی پیش رفت نہیں ہو سکی لہذا دونوں ممالک بامقصد نتائج کے حصول کیلئے ٹھوس کوششیں کریں۔
Facebook Comments