جمعہ 29 مارچ 2024

ہرادھنیا نظام ہاضمہ اور ہڈیوں کے امراض کیلئے مفید قرار

ہرادھنیا نظام ہاضمہ اور ہڈیوں کے امراض کیلئے مفید قرار
ماہرین طب نے ہرادھنیا کو انسانی صحت کیلئے فائدہ مند قرار دیا ہے۔

کراچی : ماہرین طب نے ہرادھنیے کو نظام ہاضمہ اور ہڈیوں کے امراض کےلیے انتہائی مفید قرار دیا ہے۔

بہترین غذائیں تناول کرنا ہر انسان کی زندگی کا لازمی حصہ ہوتا ہے مگر غذا سے اسی وقت لطف اندوز ہوا جاسکتا ہے جب نظام ہاضمہ کے مسائل کا سامنا نہ ہو لیکن اگر اپنی غذا میں ہرادھنیے کا استعمال کیا جائے تو نظام ہاضمہ کی خرابی سے بچا جاسکتا ہے۔

دوسری جانب سے ہڈیوں کے امراض بھی انسان کو شدید مشکلات سے دوچار کردیتے ہیں، بڑھتی عمر کے ساتھ ساتھ انسانی جسم کی ہڈیاں کمزور ہوتی جاتی ہیں لیکن ہرا دھنیا ہڈیوں کے امراض کے لیے بھی انتہائی مفید ثابت ہوتا ہے۔

ماہرین طب نے ہرادھنیا کو انسانی صحت کیلئے فائدہ مند قرار دیا ہے۔

ماہرین کا کہنا ہے کہ ہرے دھنیے کا استعمال ناصرف نظامِ ہضم اور ہڈیوں کے امراض کےلیے نہایت ہی مفید ہے بلکہ یہ جسم میں کولیسٹرول کی سطح کو بڑھنے سے روکے رکھتا ہے۔

Facebook Comments