’میلانیا نے ٹرمپ سے طلاق لینے کا فیصلہ کرلیا‘

امریکی صدارتی انتخابات میں شکست کے بعد ڈونلڈ ٹرمپ کی اہلیہ میلانیا ٹرمپ نے طلاق لینے کا فیصلہ کرلیا ہے۔

بین الاقوامی ذرائع ابلاغ کے مطابق ٹرمپ کی حکومت کے ایک سابق عہدیدار نے ایسا دعویٰ کر دیا ہے جو ہار کے بعد سابق امریکی صدر کو ایک اور بڑا دھچکا دے گا کہ میلانیا جلد ہی ٹرمپ سے طلاق لے لیں گی۔

ٹرمپ حکومت کی سابق عہدیدار اسٹیفنی ووک آف نے دعویٰ کیا ہے کہ میلانیا شدت سے وائٹ ہاؤس چھوڑنے کی منتظر ہیں، ڈونلڈ ٹرمپ کے  وائٹ ہاؤس چھوڑنے کے ساتھ ہی میلانیا طلاق لے لیں گی۔

واضح رہے کہ ایک رپورٹ کے مطابق 2016ء میں جب ڈونلڈ ٹرمپ غیرمتوقع طور پر الیکشن جیت گئے تھے تو ان کی فتح پر میلانیا ٹرمپ پھوٹ پھوٹ کر رونے لگی تھیں۔

ان کی ایک دوست کا اس بارے میں کہنا تھا کہ میلانیا کو توقع ہی نہیں تھی کہ ٹرمپ الیکشن جیت جائیں گے۔

اس کے بعد میلانیا نے وائٹ ہائوس منتقل ہونے میں بھی سستی کا مظاہرہ کیا اور پانچ ماہ بعد وائٹ ہائوس منتقل ہوئیں۔

سٹیفنی نے قبل ازیں یہ بھی دعویٰ کیا تھا کہ وائٹ ہائوس میں ڈونلڈ ٹرمپ اور میلانیا الگ رہتے ہیں اور ان کی شادی ایک سمجھوتے کے تحت چل رہی ہے۔