برطانوی فلم پروڈیوسر جمائما گولڈ سمتھ کو اپنی نئی فلم کیلئے لندن میں مقیم پاکستانی کی تلاش ہے
برطانوی فلم پروڈیوسر جمائما گولڈ سمتھ کو اپنی نئی فلم کیلئے لندن میں
مقیم پاکستانی کی تلاش ہے جو کپڑے سلائی کرنا جانتا ہو، جمائما نے آسامی
کا ایک نوٹس اپنے ٹوئٹر اکاؤنٹ پر شیئر کیا، جس کے مطابق انہیں ایک برطانوی
پاکستانی کی تلاش ہے۔
انہوں نے لکھا کہ ’فیچر فلم کیلئے جدید فیشن
کے ملبوسات بنانے کیلئے ایک لندن میں مقیم برطانوی پاکستانی کی تلاش ہے,
اس کے پاس سلائی اور کمپیوٹر کی مہارت اور ڈرائیور کا لائسنس ہونا ضروری
ہے۔‘
اپنے ٹوئٹ کے آخر میں انہوں نے مزید معلومات اور نوکری کے متلاشی لوگوں کیلئے سی وی ارسال کرنے کیلئے ای میل آئی ڈی بھی شیئر کی۔
روزنامہ
جنگ کے مطابق حال ہی میں جمائما نے اعلان کیا تھا کہ وہ جلد ہی فلم بنانے
کا ارادہ رکھتی ہیں جس کی شُوٹنگ کا آغاز جلد ہوگا, فلم کی کہانی کا
موضوع متوقع طور محبت اور شادی سے متعلق ہوگا جو لندن اور جنوبی ایشیا کے
مابین ہوگا۔اس فلم کی سکرپٹ رائٹر اور پروڈیوسر جمائما خان ہیں اور وہ اپنے
پروڈکشن ہاؤس کے بینر تلے اسے بنائیں گی جبکہ اس پراجیکٹ کے ساتھ بالی ووڈ
ڈائریکٹر شیکھر کپور کی انڈسٹری میں واپسی ہوگی۔
Facebook Comments