پیٹرول کی قیمت برقرارلیکن ڈیزل کتنا مہنگا ہوگیا؟

وفاقی حکومت نے آئندہ 15 روز کے لیے پیٹرول کی قیمت برقرار رکھنے کا فیصلہ کیا ہے، تاہ ڈیزل کی فی لیٹر قیمت میں 4 روپے اضافہ کردیا گیا۔

وزارت خزانہ سے جاری بیان کے مطابق عوام کو زیادہ سے زیادہ ریلیف فراہم کرنے کے لیے حکومت نے بین الاقوامی مارکیٹ میں ہونے والا پیٹرولیم مصنوعات کی قیمتوں میں اضافہ خود برداشت کرنے کا فیصلہ کیا ہے۔

بیان میں کہا گیا کہ آئندہ 15 روز کے لیے پیٹرول، مٹی کے تیل اور لائٹ ڈیزل آئل (ایل ڈی او) کی قیمتیں برقرار رہیں گی۔

تاہم عالمی سطح پر غیر معمولی اضافے کے باعث ہائی اسپیڈ ڈیزل کی قیمت میں 4 روپے فی لیٹر اضافہ کیا گیا ہے۔

ڈیزل کی قیمت اضافے کے بعد 101 روپے 43 پیسے سے بڑھ کر 105 روپے 43 پیسے ہوگئی ہے۔

پیٹرول کی فی لیٹر قیمت 100 روپے 69 پیسے، مٹی کے تیل کی قیمت 65 روپے 29 پیسے اور لائٹ ڈیزل آئل کی قیمت 62 روپے 86 پیسے پر برقرار رہیں گی۔

ڈیزل کی نئی قیمت کا اطلاق رات 12 بجے سے ہوگا۔

واضح رہے کہ آئل اینڈ گیس ریگولیٹری اتھارٹی (اوگرا) نے یکم دسمبر سے 15 روز کے لیے پیٹرولیم مصنوعات کی قیمتوں میں رد و بدل کی سمری پیٹرولیم ڈویژن کو ارسال کی تھی۔

The Government of Pakistan in its endeavour to provide maximum relief to the public has decided to absorb most of the increase in international prices of petroleum products. The prices of Petrol, Kerosene & Light Diesel Oil would remain the same. pic.twitter.com/oxgzvNVOw4

— Ministry of Finance (@FinMinistryPak) November 30, 2020