اسٹوڈنٹس متوجہ ہوں، وفاقی وزیر تعلیم کی طلبہ سے گزارش

وفاقی وزیر تعلیم شفقت محمود نے ملک بھر کے  طلبہ سے گزارش کی کہ آپ اس وقت کو بطور چھٹیاں استعمال کرنے کے بجائے پڑھائی پر دھیان دیں۔

تفصیلات کے مطابق وفاقی وزیر تعلیم شفقت محمود نے سماجی را بطے کی ویب سائٹ ٹوئٹڑ پر جاری اپنی حالیہ ٹوئٹ میں اسٹوڈنٹس کو مخاطب کرتے ہوئے کہا کہ تعلیمی اداروں کی بندش کا فیصلہ بڑے بھاری دل سے کیا گیا کیونکہ تعلیمی اداروں میں کورونا وائرس تیزی سے پھیل رہا تھا۔

انہوں نے اپنی ٹوئٹ میں لکھا کہ اس وقت میں نصاب پر نظر ثانی کریں، ہوم ورک کریں، مختصر طور پر ہی سہی لیکن زیادہ سے زیادہ مطالعہ جاری رکھیں۔

وزیرتعلیم نے مزید کہا کہ وہ عالمی وبا کورونا وائرس کے تیزی سے پھیلاؤ کے باعث بند کئے گئے تعلیمی اداروں کو بطور چھٹیاں نہ گزاریں بلکہ نصاب پر نظر ثانی کریں۔

واضح رہےکہ شفقت محمود کے تعلیمی اداروں کی بندش سے متعلق فیصلے کو ملک بھر کے طلبہ میں خوب پذیرائی ملی تھی۔

وفاقی وزیر تعلیم کے اسکولوں کی بندش کے اعلان کے بعد سے سوشل میڈیا میں ناصرف ان کے حق میں میمز بنی بلکہ ان کی مقبولیت میں بھی بے تحاشہ اضافہ ہوا۔

اس ضمن میں یہ بات بھی قابل ذکر ہے کہ صدر مملکت عارف علوی نے وزیر تعلیم کو ٹیگ کرتے ہوئے ٹوئٹر پیغام میں کہا تھا کہ شفقت محمود کے اعلان پر زبردست ردِعمل دیکھنے میں آیا ہے۔

@Shafqat_Mahmood phenomenon was remarkable. Youth were pleased on decision of school/college closure because of Covid. They showed their appreciation in such a beautiful manner. Pakistan is a country of happy people. Let nobody take that away from us اللہ نظر بد سے ہمیں دور رکھے

— Dr. Arif Alvi (@ArifAlvi) November 24, 2020