دبئی سے آنے والے مسافر کی چپلوں سے کیا برآمد ہوا، حکام حیران
فوٹو : رائٹرز
چنائی:(دھرتی نیوز) بھارتی ریاست تامل ناڈو میں کسٹم حکام نے لاکھوں روپے مالیت کے سونے اور غیر ملکی کرنسی کی اسمگلنگ کی کوشش ناکام بنا دی۔
بھارتی خبر رساں ادارے اے این آئی کی رپورٹ کے مطابق چنائی انٹرنیشنل ایئرپورٹ پر تعینات کسٹم اہلکاروں نے دبئی سے آنے والے مقامی مسافر کی مشکوک حرکات دیکھنے کے بعد اُس کی تلاشی لینے کا فیصلہ کیا۔
چنائی ایئر کسٹم کی جانب سے جاری کردہ اعلامیے میں بتایا گیا ہے کہ مسافر کو جب روک کر تفتیش کی گئی تو اُس کے چہرے کا رنگ اور تاثرات تبدیل ہوگئے جس کے بعد اُس کو روک کر باقاعدہ تلاشی لی گئی۔
مسافر جب اسکینگ مشین سے گزرا تو بجنے والے الارم نے اہلکاروں کو خفیہ چیزوں کے حوالے خبردار کردیا تھا۔
کسٹم اہلکاروں نے مسافر کا سامان کھول کر اُسے چیک کیا اور تلاشی لی مگر انہیں کوئی چیز نہیں مل سکی جب انہوں نے مسافر کی چپلیں اتراوائیں تو سر پکڑ کر بیٹھ گئے۔
مسافر نے اپنی ایک چپل میں 239 گرام سونا چھپایا ہوا تھا جس کی مالیت 12 لاکھ روپے کے قریب بنتی ہے جبکہ اُس کی دوسری چپل سے ساڑھے 6 لاکھ روپے مالیت کی غیر ملکی کرنسی (ڈالرز اور سعودی ریال کی صورت میں) بھی برآمد ہوئی۔
کسٹم حکام نے برآمد ہونے والی تمام اشیاء کو قبضے میں لے کر مسافر کے خلاف کسٹم ایکٹ کے تحت مقدمہ درج کرلیا تاکہ اُس سے مزید تفتیش کی جاسکے۔
متعلقہ خبریں
Facebook Comments