لاہور جلسے کے انتظامات کی ذمہ داری مریم نواز کے سپرد

مینار پاکستان پر ہونے والے پی ڈی ایم کے جلسے کے انتظامات کی ذمہ داری  مریم نواز کے سپرد کر دی گئی ہے۔

تفصیلات کے مطابق لاہور جلسے کے انتظامات اور تیاریاں پاکستان مسلم لیگ ن لیگ کی  نائب صدر مریم نواز کے سپرد کر دی گئی ہیں جبکہ  نوازشریف اور آصٖ ذرداری روابط کے بعد8دسمبر کو اسلام آبادمیں پی ڈی ایم کااجلاس انتہائی اہمیت اختیار کر گیاہے۔

ذرائع کے مطابق سابق وزیراعظم نوازشریف کی صاحبزادی مریم نواز جلسہ کے حوالے سے لاہور سمیت گردونواح کے اضلاع کے مسلم لیگ ن کے ممبران قومی و صوبائی اسمبلی،پارٹی عہدیداران اور ن لیگ کی اہم شخصیات سے براہ راست رابطہ کر کے انہیں مینار پاکستان پر زیادہ سے زیادہ عوامی شرکت کے حوالے سےہدایات دے رہی ہیں۔

واضح رہےکہ پی ڈی ایم لاہور کا جلسہ مسلم لیگی رہنما مریم نواز کے لیے چیلنج بھی بن گیا ہے، مسلم لیگ ن کی سیاسی امور کی ذمہ داری اب  مریم نواز کے کندھوں پر ہے۔

 مسلم لیگ ن کے صدر شہباز شریف اور ان کے صاحبزادے حمزہ شہباز کے جیل منتقل ہونے کے بعد جاتی عمرہ سیاسی سرگرمیوں کا مرکز بن گیا۔

 لاہور جلسے کو کامیاب بنانے کے لیے سابق وزیراعظم نواز شریف کی صاحبزادی مریم نواز نے خواتین پارلیمنٹیرینز کوگزشتہ روز جاتی عمرہ طلب کیا تھا۔

لیگی پارلیمنٹرینز کو لاہور جلسے کے حوالے سے اہم ذمہ داریاں سونپی گئی۔

ذرائع ن لیگ کے مطابق لاہور جلسے میں خواتین کے لئے الگ پنڈال بنایا جائے گا، خواتین پنڈال کو بھرنے کے لیے مریم نواز خصوصی ہدایات دیں گی۔

لاہور جلسے سے قبل مریم نواز کے لاہور کے مختلف صوبائی حلقوں میں ریلیوں کے حوالے سے بھی اہم مشاورت ہوگی۔

ذرائع کے مطابق ریلیوں میں خواتین پارلیمنٹیرینز کو خصوصی ٹاسک بھی سونپے گئے۔

واضح رہے کہ پی ڈی ایم نے 13 دسمبر کو لاہور کے میناز پاکستان میں جلسہ کرنے کا اعلان کیا ہے۔