دولہا اور دلہن کی شیشا پلائی کی رسم، ویڈیو سوشل میڈیا پر وائرل

دولہا دلہن کی سوشل میڈیا پر شیشا پلائی کی رسم کی ویڈیو تیزی سے وائرل ہو رہی ہے۔

 تفصیلات کے مطابق گذشتہ روز لاہور میں ہونے والی اس شادی میں قریبی دوستوں اور رشتہ داروں نے جہاں سٹیج پر بیٹھ کر دیگر رسمیں ادا کی، وہیں ایک نئی رسم کا آغاز بھی کر دیا جو سوشل میڈیا پر خوب وائرل ہو رہی ہے۔

یاد رہے کہ پہلے کے دور میں شادی پر دودھ پلائی کی رسم ہوتی تھی مگر ویڈیو میں دیکھا جاسکتا ہے کہ دُولہے کے قریبی دوست اور کزن شیشے کو   گُلاب کے پُھولوں سے سجا کر اسٹیج پر لے کر آئے۔

جبکہ ساتھ ہی ایک پلے کارڈ بھی موجود تھا جس پر لکھا ہے کہ: ” یہاں ہم شیشہ پلائی کی رسم کے لئے آئے ہیں ” ۔

پہلے دُولہے کو شیشہ پلایا گیا، اور بعد میں دُولہن کو۔ تمام لوگوں کی جانب سے شیشہ پلائی کی رسم کے لئے 50 کروڑ روپے کے نیک کا مطالبہ بھی کیا جا رہا ہے۔

واضح ر ہے کہ صارفین کی جانب سے اس ویڈیو کو تنقید کا نشانہ بنایا جا رہا ہے۔