سردی کی شدت میں مزید اضافے کا امکان، محکمہ موسمیات نے خبردار کردیا
کراچی(دھرتی نیوز) شہر قائد میں موسم سرد اور خشک ہوگیا، محکمہ موسمیات نے سردی کی شدت میں مزید اضافے کی نوید سنا دی۔
تفصیلات کے مطابق شہر قائد میں سردی نے ڈیرے ڈال دئیے ہیں، کراچی کے شہری مزید سردی کےلیے تیار رہیں محکمہ موسمیات نے پیش گوئی کردی ہے۔
محکمہ موسمیات کا کہنا ہے کہ آج دن میں موسم خشک اور رات میں سرد رہنے کا امکان ہے جبکہ شہر کا موجودہ درجہ حرارت 11 ڈگری سینٹی گریڈ ریکارڈ کیا گیا ہے جبکہ آج زیادہ سے زیادہ درجہ حرارت 26 ڈگری تک ریکارڈ کیا جاسکتا ہے۔
محکمہ موسمیات کے مطابق آئندہ روز میں سردی کی شدت میں مزید اضافے کا امکان ہے۔
محکمہ موسمیات کا مزید کہنا تھا کہ شہر قائد میں چلنے والی ہواؤں کی رفتار آٹھ کلومیٹر فی گھنٹہ ہے۔
متعلقہ خبریں
Facebook Comments