کیا وزیر اعظم عمران خان کے مشیر نے اسرائیل کا دورہ کیا؟ اسرائیلی میڈیا کی خبر کے بعد سوشل میڈیا پر طوفان برپا
اسلام آباد (دھرتی نیوز) ایک بڑے اسرائیلی اخبار ’اسرائیل ہیوم‘ نے دعویٰ کیا ہے کہ ایشیا کے ایک بڑے مسلمان ملک کے رہنما کے سینئر مشیر نے تل ابیب کا دورہ کیا ہے اور حکام سے بات چیت کی۔
اخبار کے مطابق اس ملک کے اسرائیل کے ساتھ سفارتی تعلقات نہیں ہیں۔
اس حوالے سے سب سے پہلے تجزیہ کار ڈاکٹر شاہد مسعود نے دعویٰ کیا تھا اور وزیر اعظم سے تحقیقات کا مطالبہ کیا تھا کہ وہ پتہ لگائیں کہ ان کی ٹیم کے کون سے لوگ اسرائیل کے دورے پر گئے ہیں۔
پنجاب کے مختلف شہروں میں شدید دھند
بلاز نامی یہودی میڈیا آؤٹ لیٹ کی جانب سے ایک ٹویٹ میں پاکستان کا نام لے کر کہا گیا ہے کہ ایک پاکستانی وفد نے نومبر کے مہینے میں اسرائیل کا دورہ کیا ہے۔
پاکستان اور اسرائیل کے درمیان سفارتی تعلقات نہیں ہیں لیکن گزشتہ کچھ عرصے سے دونوں ممالک کی نزدیکیوں کے بارے میں بہت سی خبریں تواتر کے ساتھ میڈیا اور سوشل میڈیا کی زینت بن رہی ہیں۔
ملک میں کورونا سے 24 گھنٹوں میں ریکارڈ 105 اموات
اسرائیلی اخبار کی جانب سے اشاروں کنایوں میں پاکستان اور اسرائیل کے تعلقات کی خبروں کے بعد سے پاکستانی سوشل میڈیا پر تحریک انصاف حکومت کے حامیوں اور مخالفین میں بھی ٹھنی ہوئی ہے۔
تحریک انصاف کے مخالفین حکومت کو کڑی تنقید کا نشانہ بنا رہے ہیں جبکہ حکومت کے حامیوں کا کہنا ہے کہ پاکستان کسی صورت اسرائیل کو تسلیم نہیں کرسکتا کیونکہ اگر ایسا ہوتا ہے تو ہمارا کشمیر کا مقدمہ کمزور پڑ سکتا ہے۔
Facebook Comments