جمعرات 28 مارچ 2024

کراچی بوائلر دھماکا، پولیس کی ابتدائی رپورٹ تیار

کراچی بوائلر دھماکا، پولیس کی ابتدائی رپورٹ تیار

کراچی(دھرتی نیوز) نیو کراچی فیکٹری میں دھماکا کیسے ہوا؟ پولیس نے اپنی ابتدائی رپورٹ تیار کرلی ہے۔

تفصیلات کے مطابق ایس ایس پی سینٹرل ملک مرتضیٰ کے مطابق رات گئے بم ڈسپوزل اسکواڈ نے جائے وقوعہ کا دورہ کیا، بی ڈی ایس نے ملبے سے کیمیکل تجزیئے کیلئے نمونے حاصل کیے، رات کو اندھیرے کی وجہ سے مکمل معائنہ نہیں ہوسکا تھا، بم ڈسپوزل اسکواڈ آج دوپہر کو دوبارہ دورہ کرے گا۔

ملک مرتضیٰ کے مطابق ابتدائی رپورٹ کے مطابق دھماکا امونیا گیس کے اخراج سےہوا، حادثے میں جاں بحق افراد کی تعداد نو ہوگئی ہے جبکہ 27 زخمی ہیں۔

دوسری جانب دھماکے میں ہونے والے نقصانات کی تفصیلات بھی منظر عام پر آگئیں ہیں، رپورٹ کے مطابق دھماکے کے باعث اطراف کی تین فیکٹریاں متاثر ہوئیں، ایک فیکٹری مکمل تباہ جبکہ دیگر فیکٹریوں کو جزوی نقصان پہنچا، دھماکے کے باعث دو گاڑیاں مکمل تباہ ہوئیں۔

دھماکے کے باعث تباہ ہونی والے فیکٹری کا ملبہ اٹھانے کے لئے صرف ایک شاول سے کام لیا جارہا ہے، متاثرہ فیکٹری میں برف اور جوس بنائےجاتے تھے۔

دھرتی نیوزکی رپورٹ کے مطابق گذشتہ روز کراچی کے علاقے نیو کراچی صبا سنیما کے قریب فیکٹری کا بوائلر پھٹنے س 8 افراد جاں بحق اور 23 زخمی ہوگئے تھے۔

صوبائی وزیرسعید غنی نے نیو کراچی میں فیکٹری بوائلر دھماکے کی انکوائری کا حکم دیتے ہوئے کہا کہ حادثے کی رپورٹ 24 گھنٹے میں پیش کی جائے۔

Facebook Comments