بائیڈن کا ٹرمپ انتظامیہ پر برہمی کا اظہار
نومنتخب امریکی صدرجو بائیڈن نے کورونا ویکسین کی سست تقسیم پر ٹرمپ انتظامیہ پر شدید برہمی کا اظہار کیا ہے۔
خبر رساں ایجنسی کے مطابق نومنتخب امریکی صدر نے ٹرمپ انتظامیہ پر تنقید کرتے ہوئے کہا کہ کورونا ویکسین کی تقسیم کا یہی نظام رہا تو ویکسین لگانے میں سالوں لگ جائیں گے۔
انہوں نے کہا کہ ویکسین کی تقسیم کے نظام پر مجھے پہلے ہی شک تھا۔
جوبائیڈن نے خبردار کیا کہ اگلے چند ماہ اور ہفتہ خطرناک ہوسکتے ہیں، معاملات ٹھیک ہونے سے قبل مزید خراب ہورہے ہیں۔
خیال رہے کہ امریکا میں عالمی وبا کی صورتحال بہت خوفناک ہے، وہاں 3 لاکھ 46 ہزار 579 اموات ہو چکی ہیں اور ایک کروڑ 99 لاکھ 97 ہزار سے زائد کیسز رپورٹ ہو چکے ہیں۔
متعلقہ خبریں
Facebook Comments