کیا پی ایس ایل 6 کے ترانے میں آئمہ، نصیبو اور ینگ اسٹنرز آواز کا جادو جگائیں گے؟

پاکستان سپر لیگ (پی ایس ایل) کے چھٹے ایڈیشن کا آغاز جلد ہی ہونے والا اور مداحوں کو جتنا میچز کا انتظار ہے وہیں شائقین پی ایس ایل 6 کے ٹائٹل سانگ کے لیے بھی بیتاب ہیں۔

بچھلے سال پی ایس ایل کا ترانا ‘تیار ہو’ نوجوان گلوکار عاصم اظہر، علی عظمت، عارف لوہار اور ہارون رشید نے گایا تھا لیکن اس ترانے کو بے حد تنقید کا سامنا کرنا پڑا تھا۔

پی ایس ایل 5 کے ترانے پر بے حد تنقید اور ٹرولنگ کے بعد گلوکار عاصم اظہر نے سوشل میڈیا پر اپنے مداحوں اور شائقین کرکٹ سے معافی بھی مانگی تھی۔

بعدازاں مداحوں کی پُرجوش فرمائش پر پاکستانی راک اسٹار علی ظفر نے بھی خود پی ایس ایل کے لیے ‘میلا لوٹ لیا’ گانا تیار گایا جسے کافی پسند بھی کیا گیا تھا۔

اب متعدد ویب سائٹس کی جانب سے دعویٰ کیا جا رہا ہے کہ پی ایس ایل 6 کا ترانہ پاکستانی گلوکارہ آئمہ بیگ، گلوکارہ نصیبو لال اور معروف ریپرز ینگ اسٹنرز گائیں گے۔

تاہم اس حوالے سے گلوکارہ آئمہ بیگ، نصیبو لال اور ینگ اسٹنرز کی جانب سے کوئی بیان سامنے نہیں آیا ہے۔

پی ایس ایل 6 کے ترانے میں گلوکارہ آئمہ بیگ، نصیبو لال اور ینگ اسٹنرز کے حوالے سے سوشل میڈیا پر بھی صارفین کے ملے جلے ردِ عمل سامنے آرہے ہیں۔

Suna hai PSL6 Anthem me yh do kings nazar any waly hein😍 pic.twitter.com/xSztCvxJ7Z

— N a w a z ♛ (@_badboi) January 16, 2021

نواز نامی صارف نے پی ایس ایل 6 کے ترانے کے حوالے سے تبصرہ کرتے ہوئے کہا کہ ‘پی ایس ایل 6 کے ترانے میں یہ دو کنگز نظر آنے والے ہیں’۔

So finally Young stunners gonna sing PSL 6 anthem😍 Aima Baig is good too lekin Naseeb o Lal wala risk haiii😁😂

— Rehan Ali (@rrehanaali) January 16, 2021

ریحان علی کہتے ہیں کہ ‘بلآخر ینگ اسٹنرز پی ایس ایل 6 کا ترانہ گائیں گے، آئمہ بیگ بھی اچھی ہے لیکن نصیبو لال والا رسک ہے’۔

Me When I come to know that Ali Zafar is not singing the PSL6 Anthem.💔💔#WeWantAliZafar @thePSLt20 🙏 pic.twitter.com/VlXUZZe15t

— Zain Zahid (@ZainZahid____10) January 16, 2021

زین زاہد نامی صارف نے ایک میم شیئر کی اور کہا کہ ‘جب مجھے پتہ چلا کہ علی ظفر پی ایس ایل 6 کا گانا نہیں گا رہے’۔

انہوں نے ساتھ ہی ہیش ٹیگ ‘WeWantAliZafar’ بھی لکھا۔