پیر 01 مارچ 2021

پہلی گرل فرینڈ نے کیوں ریجیکٹ کیا تھا؟ اکشے کمار نے ماضی سے پردہ اٹھا دیا

اکشے کمار

ممبئی (دھرتی نیوز انٹرنیشنل ڈیسک) بالی ووڈ سٹار اکشے کمار اور اداکارہ ٹوئنکل کھنہ رواں برس اپنی شادی کی 20 ویں سالگرہ مناچکے ہیں لیکن اکشے کی زندگی میں ایک ایسا وقت بھی آچکا ہے جب وہ محبت کے معاملے خوش قسمت ثابت نہ ہوسکے تھے۔

انڈین کامیڈی شو دی کپل شرما میں بالی وڈ فلم ‘ہاؤس فل 4’ کی کاسٹ کے ساتھ شرکت میں اکشے کمار نے مداحوں کے ساتھ خود کو ریجیکٹ کیے جانے کی مضحکہ خیز کہانی شیئر کی۔

اکشے نے انکشاف کیا کہ جب وہ پہلی بار کسی لڑکی کے ساتھ ڈیٹ پر گئے تو انہیں اس لڑکی نے شرمیلا ہونے کے باعث ریجیکٹ کردیا تھا۔

واقعے کو یاد کرتے ہوئے اکشے نے بتایا کہ میں اپنی گرل فرینڈ کو 3 سے 4 مرتبہ ڈیٹ پر لے کر گیا اس دوران میں ان سے اکثر کہتا کہ ‘سب کیسے دیکھ رہے ہیں’؟

اکشے کے مطابق پریشانی یہ تھی کہ میں بہت شرمیلا تھا میں نے کبھی اس کے کندھے پر ہاتھ نہیں رکھا نہ ہی کبھی اس کا ہاتھ پکڑا لیکن وہ چاہتی تھی کہ میں ایسا کروں اور جب میں نے ایسا نہیں کیا تو وہ مجھے چھوڑ کر چلی گئی۔

اداکار نے مزید بتایا کہ اس واقعے کے بعد میں نے یوٹرن لیتے ہوئے زندگی میں خود کو مکمل تبدیل کیا۔

Facebook Comments


Dharti News Sports Bulletin 7 PM Dharti News Germany and Europe News Bulletin 04 PM Dharti News Local and International News Bulletin 02 PM Dharti News Headlines 12 PM|لاک ڈاؤن کے خلاف شہری سڑکوں پر نکل آئے Dharti News Sports Bulletin 7 PM Dharti News Germany and Europe News Bulletin 04 PM