پہلے ٹیسٹ میں فتح ،آئی سی سی کی جانب سے پاکستان کو بڑا انعام مل گیا

کراچی (دھرتی نیوز)جنوبی افریقہ کے خلاف پہلے ٹیسٹ میچ میں فتح کے بعد پاکستانی ٹیم ٹیسٹ ورلڈ ٹیسٹ چیمپین شپ ٹیبل پر چھٹے سے پانچویں نمبر پر آگئی ہے۔

انٹرنیشنل کرکٹ کونسل (آئی سی سی ) کی جانب سے جاری کردہ ٹیسٹ ورلڈ ٹیسٹ چیمپین شپ ٹیبل پر پاکستانی ٹیم 226 پوائنٹس کے ساتھ اسوقت پانچویں نمبر ہے،دوسرے ٹیسٹ میچ میں فتح سے پاکستان کی پوزیشن پر کوئی فرق نہیں پڑے گا تاہم دوسرے میچ میں فتح پاکستانی پوزیشن کو مزید مستحکم کردے گی۔پاکستانی ٹیم نے ٹیسٹ چیمپن شپ میں اب تک کھیلے گئے 11 میچز میں سے تین میں فتح سمیٹی جبکہ پانچ میچوں میں اسے شکست کا سامنا کرنا پڑا جبکہ تین میچ ڈرا ہوئے۔

 انڈین ٹیم 430 پوائنٹس کے ساتھ پہلے ،نیوزی لینڈ 420 پوائنٹس کے ساتھ دوسرے ،آسڑیلیا 332 پوائنٹس کے ساتھ تیسرے نمبر پر موجود ہے۔