میں نہ چاہوں تو عمران خان کی حکومت ایک دن بھی نہیں چل سکتی’ پرویز خٹک نے اپنے متنازعہ بیان پر وضاحت دیدی

وزیر دفاع پرویز خٹک نے نوشہرہ میں کارکنان سے خطاب میں کہی گئی اپنی بات کی وضاحت کردی۔

ٹوئٹر پر جاری بیان میں وزیر دفاع پرویز خٹک نے کہا کہ میں نے اپنے خطاب میں یہ واضح کیا تھا کہ میں عمران خان سے مخلص اور ان کا ممنون ہوں۔

انہوں نےکہا کہ ہماری کامیابی مستقل طور پر ہماری کاوشوں اور عمران خان کے تعاون کی وجہ سے ہے۔

وزیر دفاع کا کہنا تھا کہ ہم الیکشن میں ہمارے مخالفین کے خلاف اکٹھا ہونے والی تمام جماعتوں کو شکست دیں گے۔

Clearly mentioned in my speech for the locals of my village in Nowshera that I’m sincere & indebted to Imran Khan.We are successful in our const. due to our efforts & support of IK. We will defeat all opp. parties ganged up against the candidate we are supporting for the by-elec.

— Pervez Khattak (@PervezKhattakPK) January 31, 2021

واضح رہے کہ نوشہرہ میں خطاب کرتے ہوئے پرویز خٹک کاکہنا تھا کہ میں نہ چاہوں تو عمران خان کی حکومت ایک دن بھی نہیں چل سکتی لیکن عمران خان کے مجھ پر بہت احسانات ہیں ، اس لیے تن من دھن دینےسے عمران خان کے ساتھ ہوں۔