جمعرات 28 مارچ 2024

نیب کو نواز شریف کے خلاف کوئی ثبوت نہیں ملا ہے، شاہد خاقان عباسی

شاہد خاقان عباسی

پاکستان مسلم لیگ ن کے رہنما شاہد خاقان عباسی نے کہا ہے کہ گزشتہ 3 سالوں میں نیب کو نواز شریف کے خلاف کوئی ثبوت نہیں ملا ہے۔

تفصیلات کے مطابق شاہد خاقان عباسی نے احتساب عدالت کے باہر میڈیا سے گفتگو کرتے ہوئے کہا ہے کہ پتہ نہیں کون سی ایسی چیز ہے جس وجہ سے اپوزیشن کے خلاف کیسز بنایے جا رہے ہیں۔

شاہد خاقان عباسی نے کہا ہے کہ ایک عام آدمی کیسے زندگی گزارے کیونکہ اس حکومتی دور میں مہنگائی میں ہر روز اضافہ ہورہا ہے۔

انہوں نے کہا کہ مسلم لیگ نے جب حکومت چھوڑی اس وقت پیٹرول پر 15 روپے ٹیکس تھا اور اب 40 روپے ٹیکس جا رہا ہے اور آج پٹرول کی قیمت عالمی منڈی کے حساب سے 70 روپے سے زیادہ نہیں ہونی چاہیے۔

انہوں نے مزید کہا کہ پاکستان میں آج پٹرول 111 روپے فروخت کیا جارہا ہے اور بجلی کی قیمت 30 روپے یونٹ لیا جا رہا ہے۔

ان کا کہنا تھا کہ لوگوں کو ریلیف دینے کے بجائے وزیر اعظم ٹیلی فون پر لگے ہیں اور صرف اتنا ہی نہیں بلکہ 4 گھنٹے لگا کر وزیر اعظم نے خود ایڈیٹنگ کر کے1 گھنٹہ عوام کا ضائع کر دیا۔

Facebook Comments