کیا امریکی گلوکارہ پشاور زلمی کا گانا گائیں گی ؟

امریکی گلوکارہ ریحانہ اس بار پاکستان سپر لیگ (پی ایس ایل) پشاور زلمی کے لیے گانا گا سکتی ہیں۔

پشاور زلمی کے مالک جاوید آفریدی نے سماجی رابطہ کی ویب سائٹ ٹوئٹر پر امریکی گلوکارہ ریحانہ سے پشاور زلمی کے لیے گانا گانے کی خواہش کا اظہار کر دیا۔

جاوید آفریدی نے لکھا کہ کیا ریحانہ زلمی گانے کے لیے دستیاب ہوں گی ؟

RIHANNA FOR ZALMI ANTHEM ❓

— Javed Afridi (@JAfridi10) February 3, 2021

جاوید آفریدی کے ٹوئٹ پر لوگوں کی جانب سے مخلتف کمنٹس بھی کیے گئے کسی نے اسے اچھی رائے قرار دیا تو کسی نے مخالفت کی۔

گزشتہ روز امریکی گلوکارہ ریحانہ نے بھارتی حکومت کی جارحیت کے خلاف سماجی رابطے کی ویب سائٹ پر لکھا کہ دنیا بھارتی مظالم پر کیوں خاموش ہے ؟ ہم بھارتی کسانوں پر ہونے والے مظالم پر بات کیوں نہیں کر رہے؟

پاپ گلوکارہ ریحانہ نے اس ٹوئٹ میں ‘فارمرز پروٹیسٹ’ یعنی کسانوں کا احتجاج ہیش ٹیگ کا بھی استعمال کیا۔

امریکی گلوکارہ کے ٹوئٹ کرنے پر بھارتی اداکارہ کنگنا رناوت ہمیشہ کی طرح مودی سرکار کو خوش کرنے کے چکر میں بیچ میں کود پڑیں۔

بھارتی اداکارہ کنگنا رناوت ریحانہ کے ٹوئٹ پر سیخ پا ہو گئیں۔ انہوں نے ریحانہ کو بےوقوف اور پر امن کسانوں کو دہشت گرد قرار دیا تھا۔