جمعہ 23 اپریل 2021

اداکارہ مریم انصاری بھی رشتہ ازدواج میں منسلک

اداکارہ مریم انصاری

’رومیو ویڈس ہیر‘ اور ’میرا سسرال‘ جیسے ڈراموں میں اداکاری کرنے والی اداکارہ مریم انصاری سابق قومی کرکٹر معین خان کے بیٹے اویس خان کے ساتھ رشتہ ازدواج میں بندھ گئیں۔

معین خان کے بیٹے اویس خان نے اپنی انسٹاگرام اسٹوریز میں 8 فروری کو نکاح اور شادی کی دیگر تقریبات کی ویڈیوز اور تصاویر شیئر کیں، جن سے اندازہ ہوتا ہے کہ ان کی شادی 7 یا اور 8 فروری کی درمیانی شب ہوئی۔

ان کی جانب سے ایک اسٹوری 7 فروری کو شیئر کی گئی، جس میں انہوں نے رشتے داروں اور قریبی دوستوں کو بتایا کہ وہ اپنے نکاح کی تقریب کو انسٹاگرام پر لائیو دکھائیں گے۔

انہوں نے دوستوں اور رشتے داروں کو کہا کہ جو لوگ ان کے نکاح کی تقریب میں شریک نہیں ہوسکے، وہ ان کے نکاح کو لائیو دیکھ سکتے ہیں۔

بعد ازاں انہوں نے نکاح کی لائیو نشریات بھی دکھائیں اور انہیں نکاح کے موقع پر کریم کلر کے لباس میں خوش دیکھا جا سکتا ہے۔

اویس خان نے شادی کی تقریبات کی دیگر تصاویر بھی شیئر کیں اور انہوں نے اہلیہ کے ساتھ شادی کے موقع پر ڈانس کرنے کی ایک مختصر ویڈیو بھی اسٹوری میں شیئر کی۔

دونوں کی شادی کی تصاویر سوشل میڈیا پر وائرل ہوگئیں اور متعدد سوشل میڈیا اکاؤنٹس پر ان کی شادی کی تصاویر کو شیئر کرتے ہوئے انہیں مبارک باد دی گئی۔

تاہم حیران کن طور پر اداکارہ مریم انصاری نے شادی کی کوئی ویڈیو یا تصویر شیئر نہیں کی تاہم خیال کیا جا رہا ہے کہ وہ بھی جلد ہی شادی کی تصاویر یا ویڈیو شیئر کریں گی۔

مریم انصاری سے قبل بھی متعدد شوبز شخصیات نے خاموشی یا سادگی سے شادی کی اور شوبز شخصیات کی جانب سے سادگی سے شادی کیے جانے کی روایت میں گزشتہ برس سے اضافہ دیکھا گیا ہے۔

گزشتہ برس مارچ میں کورونا کے باعث نافذ ہونے والی پابندیوں کے بعد کئی شوبز اور معروف شخصیات نے خاموشی سے شادی کی تقاریب کا انعقاد کیا اور مریم انصاری نے بھی دیگر شخصیات کی طرح سادگی سے شادی کی۔

یہ بھی پڑھیں  سعودی ریسٹورنٹس میں روبوٹس نے ویٹرز کی جگہ سنبھال لی

 

رشتہ ازدواج میں بندھنے کی تصاویر اور ویڈیوز آنے کے بعد اداکارہ کے مداحوں نے انہیں مبارک باد پیش کرتے ہوئے انہیں نئی زندگی کی شروعات پر دعائیں بھی دیں۔

 

View this post on Instagram

 

A post shared by Mariam Ansari (@imariamansari)

Facebook Comments


Dharti News Bulletin 03 PM Serena Hotel Quetta Blast – Dharti News Local and International News Bulletin 12:30 PM Dharti News Bulletin 03:30 PM Latest Pakistan News Bulletin – Dharti News Local and International News Bulletin 12 PM Latest Pakistan News Bulletin – Dharti Nama – Dharti News Headlines 9:30 PM Dharti News Headlines 6 PM