جنوبی افریقہ کیخلاف ٹی 20 سیریز سے باہر ہونے والے محمد حفیظ کا ٹیسٹ سیریز جیتنے پر کیا کہنا ہے؟

لاہور (دھرتی نیوز)پاکستان کرکٹ ٹیم کے سینئر آل راﺅنڈر محمد حفیظ نے قومی ٹیم کو جنوبی افریقہ کیخلاف ٹیسٹ سیریز میں تاریخی فتح حاصل کرنے پر مبارکباد پیش کی ہے۔

تفصیلات کے مطابق محمد حفیظ نے سماجی رابطوں کی ویب سائٹ ٹوئٹر پر جاری اپنے پیغام میں لکھا کہ ٹیسٹ سیریز 0-2 سے جیتنے پر پاکستان ٹیم کو مبارکباد۔ حسن علی نے 10 وکٹیں حاصل کر کے میچ وننگ پرفارمنس دی جبکہ محمد رضوان نے انتہائی مشکل لمحات میں عمدہ سنچری بنائی۔

Congratulations Team Pakistan 🇵🇰 winning test series 2-0 #PAKvsSA match winning performance by @RealHa55an by taking 10 wickets & @iMRizwanPak scoring 💯 in the tough situation of the game.

— Mohammad Hafeez (@MHafeez22) February 8, 2021

واضح رہے کہ محمد حفیظ انگلینڈ اور نیوزی لینڈ کیخلاف سیریز کیلئے پاکستان ٹی 20 سکواڈ کا حصہ رہے ہیں جنہوں نے دونوں ممالک کے خلاف عمدہ کارکردگی بھی دکھائی تھی تاہم ٹی 10 لیگ میں شمولیت اور بائیو سیکیور ببل میں داخلے سے صرف ایک دن لیٹ وطن واپسی کے باعث انہیں جنوبی افریقہ کیخلاف ٹی20 سیریز کیلئے قومی سکواڈ میں شامل نہیں کیا گیا۔

’بجلی عارضی ہے، جنریٹر مستقل ہے‘ حسن علی کی عمدہ کارکردگی پر شاداب خان کا دلچسپ تبصرہ، سوشل میڈیا پر ہنسی کا طوفان آ گیا
محمد حفیظ نے پاکستان کرکٹ بورڈ (پی سی بی) کی جانب سے اس فیصلے پر مایوسی کا اظہار کیا تھا جبکہ ان کے مداحوں کے علاوہ کئی سابق کرکٹرز اور ماہرین کرکٹ نے بھی حیرت کا اظہار کیا تھا کہ انگلینڈ اور نیوزی لینڈ جیسے مشکل دوروں پر عمدہ کارکردگی دکھانے والے کرکٹر کو سکواڈ سے باہر کیسے کیا جا سکتا ہے۔