حمزہ عباسی کی بہن اور ڈرامہ ارطغرل غازی کے اداکار کے درمیان معاہدہ
اداکار حمزہ علی عباسی کی بہن اور پیشے کے لحاظ سےماہر کنسلٹنٹ پاکستانی ڈرماٹولوجسٹ ڈاکٹر فضیلہ عباسی اور شہرہ آفاق ترک ڈرامے ارطغرل غازی’ میں تُرگُت سپاہی کا جاندار کردار ادا کرنے والے چنگیز جوشقون کے درمیان معاہدہ طے پاگیا۔
ڈاکٹر فضیلہ عباسی نے انسٹاگرام پر ایک تصویر شیئر کرتے ہوئےاعلان کیا کہ وہ پاکستان میں مردوں کے لیے تاریخ کا پہلا اسکن لائن کیئر متعارف کروانے جارہی ہیں۔
فضیلہ عباسی کی پوسٹ کے مطابق ان کے اسکن لائن کیئر کے برانڈ ایمبیسیڈر چنگیز جوشقون ہوں گے۔
View this post on Instagram
ڈاکٹر فضیلہ کی جانب سے شیئر کی گئی تصویر میں انہیں اور ترک اداکار چنگیز جوشقون کو خوشگوار موڈ میں معاہدے پر دستخط کرتے ہوئے دیکھا جاسکتا ہے ۔
فضیلہ عباسی کی اس پوسٹ پر ان کی بھابھی نیمل خاور اور پاکستان میں موجود چنگیز جوشقون کے مداحوں کی جانب سے بھرپور خوشی کا اظہار کیا جا رہا ہے۔
کہا جارہا ہے کہ دونوں فریقوں کے درمیان معاہدے پر دستخط ترکی میں ہوئے ہیں۔
Facebook Comments