حریم شاہ کی زندگی کی عکاسی کرتی فلم ‘راز’ کی نئی جھلکیاں وائرل

پاکستانی کی متنازع ٹک ٹاک اسٹار حریم شاہ پاکستان کے ڈیجیٹل اسٹریمنگ پلیٹ فارم اردو فلکس کے لیے بنائی جانے والی ویب سیریز ’راز‘ کے ذریعے اداکاری میں ڈیبیو کرنے جا رہی ہیں۔

حریم شاہ کی جانب سے گزشتہ روز فلم’راز‘ کا ایک ٹیزر مقبول فوٹو شیئرنگ ایپ انسٹاگرام پر شیئر کیا گیا ہے۔

 

View this post on Instagram

 

A post shared by Hareem shah (@hareem.shah_official_account)

ٹیزر میں حریم شاہ کو پیسوں سے لطف اندوز ہوتے دیکھا جاسکتا ہے۔

یہی نہیں فلم کے ٹیزر  میں حریم شاہ کی مفتی قوی کو تھپڑ مارنے کی ویڈیو بھی موجود ہے، حریم شاہ فلم راز میں بھی کبیر نامی مولوی کے ساتھ گھرے ہوئے اسکینڈل میں نظر آئیں گی۔

ٹیزر  میں حریم کی دوست انھیں متنازع طریقوں سے مقبول ہونے کے لیے آمادہ کرتی دکھائی دے رہی ہیں جبکہ حریم کا کہنا ہے کہ وہ آزاد ہونا چاہتی ہیں کیونکہ وہ تنگ آچکی ہیں ان دقیانوسی باتوں سے۔

فلم کے ٹیزر میں حریم شاہ کے ہمراہ اداکار شہزاد شیخ سمیت دیگر اداکاروں کو بھی دیکھا جا سکتا ہے۔

فلم کے نئے ٹیزر کے حوالے سے حریم کا جیو نیوز سے گفتگو کرتے ہوئے کہنا تھا کہ ویب سیریز  راز ان کی زندگی کو پیش نظر رکھتے ہوئے بنائی گئی ہے، فلم میں حریم کی زندگی میں پیش آنے والے واقعات کو بھی پیش کیا گیا ہے۔

حریم شاہ کے مطابق فلم راز  رواں ماہ 26 فروری کو ریلیز کی جائے گی۔

خیال رہے کہ ویب سیریز ‘راز’ کی ہدایت کاری اسد علی زید نے دی ہے جبکہ اس کی کہانی منصور سعید نے لکھی ہے۔