پہلے ووٹ چوری ہوتے تھے لیکن این اے 75 میں الیکشن سٹاف ہی چوری ہو گیا، حامد میر برس پڑے
اسلام آباد (دھرتی نیوز) قومی اسمبلی کے حلقہ این اے 75 میں ضمنی انتخابات کے بعد ووٹوں میں ردو بدل کے خدشے کے پیش نظر الیکشن کمیشن نے نتائج روک دیئے ہیں اور اب سینئر صحافی حامد میر بھی ریاستی مشینری پر برس پڑے۔
مائیکرو بلاگنگ ویب سائٹ ٹوئٹر پر حامد میر نے لکھا کہ” یہ صورتحال تقاضا کرتی ہے کہ سپریم کورٹ نوٹس لے آئی جی پنجاب، کمیشنر گوجرانوالہ اور ڈی سی سیالکوٹ کو بلا کر پوچھے کہ جب الیکشن کمیشن اُ ن سے رابطے کر رہا تھا تو وہ سب کہاں تھے؟پاکستان کی ریاست کو شرم آنی چاہئیے کہ پہلے ووٹ چوری ہوتے تھے لیکن این اے 75 میں الیکشن سٹاف چوری ہو گیا”۔
یہ صورتحال تقاضا کرتی ہے کہ سپریم کورٹ نوٹس لے آئی جی پنجاب، کمیشنر گوجرانوالہ اور ڈی سی سیالکوٹ کو بلا کر پوچھے کہ جب الیکشن کمیشن اُ ن سے رابطے کر رہا تھا تو وہ سب کہاں تھے؟پاکستان کی ریاست کو شرم آنی چاہئیے کہ پہلے ووٹ چوری ہوتے تھے لیکن این اے 75 میں الیکشن سٹاف چوری ہو گیا https://t.co/KQXDaOo0Pm
— Hamid Mir (@HamidMirPAK) February 20, 2021
وہ سینئر صحافی اجمل جامی کی اس ٹوئیٹ پر ردعمل دے رہے تھے جس میں الیکشن کمیشن کی طرف سے بتایا گیا کہ کمشنر گوجرانولہ اور ڈپٹی کمشنر سیالکوٹ سے ان کے لینڈ لائن اور موبائل فونز پر کئی مرتبہ رابطے کی کوشش کی گئی لیکن کسی افسر نے ٹیلی فون اٹینڈ نہیں کیا۔
“آئی جی پنجاب، کمشنر گوجرانولہ اور ڈپٹی کمشنر سیالکوٹ سے ان کے لینڈ لائن اور موبائل فونز پر کئی مرتبہ رابطے کی کوشش کی گئی لیکن کسی افسر نے ٹیلی فون اٹینڈ نہیں کیا۔۔”
الیکشن کمیشن آف پاکستان https://t.co/DesWdmsi2y— Ajmal Jami (@ajmaljami) February 20, 2021
الیکشن کمیشن کی طرف سے اعلامیہ میں بتایا گیا کہ این اے 75 کے غیر ضروری تاخیر کے ساتھ نتائج موصول ہوئے ، متعدد بار پریزائڈنگ افسران سے رابطے کی کوشش کی گئی لیکن ناکام رہے ،آر او کی اطلاع پر چیف لیکشن کمشنر نے آئی جی اور ڈپٹی کمشنر سے رابطہ کے کی کوشش کی لیکن کوئی جواب نہ ملا ، چیف سیکریٹری سے رات تین بجے رابطہ ہوااور چھ بجے پریزئڈنگ افسرا بمعہ پولنگ بیگ حاضر ہو گئے ،جس کی وجہ سے آر او اور ڈی آر او کو شبہ ہوا کہ بیس پولنگ سٹیشن کے نتائج میں رد و بدل ہواہے جس کے باعث نتائج کو روک دیا گیاہے ۔
Facebook Comments