لڑکیوں کی جسامت و رنگت کی ’خوبصورتی پرکھنے‘ کے خلاف مہم
بھارت میں لڑکیوں کے رشتوں کے لیے ان کی جسامت و خوبصورتی کو دیکھ کر رشتے طے کرنے کے خلاف مہم کے جاری کیے گئے نئے اشتہار کو سراہا جا رہا ہے۔
ملٹی نیشنل برانڈ کی بیوٹی کرہم ’ڈوو‘ کی جانب سے 24 فروری کو ایک اشتہار جاری کیا، جس میں لڑکیوں کے رشتوں کے لیے طے کیے گئے سماجی پیمانوں کی حوصلہ شکنی کی گئی۔
اشتہار میں دکھایا گیا ہے کہ بھارت میں لڑکے کے لیے دلہن کی تلاش کرنے والے خاندان کس طرح رنگت، جسامت، قدامت اور بالوں سمیت خوبصورتی کے دیگر پیمانوں کو نظر میں رکھ کر دلہن کا انتخاب کرتے ہیں۔
اشتہار کا آغاز لڑکی والوں کے گھرانے کی پریشانی سے ہوتاہے، جس میں فربہ لڑکی کو رشتہ دیکھنے کے لیے آنے والے خاندان کے لیے سجایا جاتا ہے اور اسی دوران اپنے ہی گھر کی خاتون کہتی سنائی دیتی ہیں کہ لڑکی کا بھاری بھری جسم نظر آ رہا ہے، انہیں ساڑھی پہنا کر ان کے وزن کو چھپایا جائے۔
Wish I had this film to show those who told me I wouldn’t find a husband if I got dark playing in the sun. Glad I have it now. #StopTheBeautyTest #DoveIndia pic.twitter.com/EqFjrrZHOW
— Sania Mirza (@MirzaSania) February 25, 2021
اشتہار میں آگے ایک سانولی رنگت کی لڑکی کو دیکھنے کے لیے آنے والے خاندان اور لڑکی کے خاندان کی ملاقات دکھائی گئی ہے، تاہم اشتہار میں سانولی لڑکی کی پریشانی کو دیکھا اور محسوس کیا جا سکتا ہے۔
اشتہار میں آگے ایک چھوٹے قد کی لڑکی کے خاندان اور لڑکے والوں کے اہل خانہ کے درمیان بات چیت کو دکھایا گیا ہے اور لڑکے والے دلہن والوں کو طعنہ دیتے سنائی دیتے ہیں کہ لڑکی کو لڑکے سے بات کرنے کے لیے سیڑھی کی ضرورت ہوگی۔
Very appreciable thought by @dove👏
This habitual perspective of our society must be changed.— Nishi Sihare (@NishiSihare) February 25, 2021
مذکورہ اشتہار میں آگے ایک ایسی لڑکی کے رشتے کی بات کو دکھایا گیا ہے، جس کے بال سیدھے نہیں ہوتے اور لڑکے والے بتاتے دکھائی دیتے ہیں کہ لڑکے کو کروی بال پسند نہیں اور اس پر لڑکی شرما جاتی ہے۔
اسی طرح اشتہار میں ایک ایسی لڑکی کو دکھایا گیاہے جن کا چہرہ اگرچہ صاف ہوتا ہے، تاہم ان کے چہرے پر ایک کالا داغ ہوتا ہے اور اس داغ پر انہیں شرمندہ کیاجاتا ہے۔
When I saw this adv I was like OMG needed this significant message to put a stop #stopthebeautytest @Dove @Ogilvy Awesome. Keeping doing your part pic.twitter.com/TBZfvZOc02
— vinita singh (@vini_singh5) February 25, 2021
اشتہار کے آخر میں سوالات اٹھائے گئے ہیں کہ آخر خوبصورتی کے لیے ایسی بدصورت پرکھ کب تک چلے گی؟
اشتہار کے ذریعے بتایا گیا ہے کہ بھارت میں کروڑوں لڑکیوں کی اسی طرح رشتے کے موقع پر تذلیل کی جاتی ہے یا ان کی جسامت اور رنگت پر ایسے جملے کسے جاتے ہیں کہ وہ شرمسار ہوجاتی ہیں۔
Says the brand that makes whitening deodorants for women. #dove #stopthebeautytest pic.twitter.com/1Jg2QG3yIl
— Amrita Das (@Amrita_Dass) February 25, 2021
مذکورہ اشتہار کو بھارت کی متعدد مقامی زبانوں میں بھی جاری کیا گیا اور اشتہار میں دیے گئے پیغام پر لوگوں نے اس کی تعریفیں کیں۔
ٹوئٹر پر بھی ’اسٹاپ دی بیوٹی ٹیسٹ‘ کا ہیش ٹیگ استعمال کیا گیا اور اس ہیش ٹیگ کو استعمال کرتے ہوئے متعدد معروف شخصیات نے نہ صرف اشتہار کی ویڈیو کو شیئر کیا بلکہ اشتہار کی تعریفیں بھی کیں۔
Loved this campaign by @Dove
Glad that #Stopthebeautytest has started.
Don’t let anyone judge u by your looks. Also, start it from your home. That is where the movt needs to kick off. #loveyourself #Iambeautiful pic.twitter.com/67YuBxzDRj— farah khatoon (@itweet_faru) February 25, 2021
Facebook Comments