ھفتہ 17 اپریل 2021

میاں بیوی کے اندھے قتل کا معمہ حل ، وجہ جان کر آپ بھی کپکپا کر رہ جائیں

کراچی(دھرتی نیوز) نیوکراچی پولیس نے گیارہ روز قبل گھر میں بے دردی سے قتل ہونے والے میاں بیوی کے اندھے قتل کا معمہ حل کرتے ہوئے سفاک ملزم کو گرفتار کر لیا ہے ۔

 دھرتی نیوز کے مطابق 11 روز قبل مقتول جمیل اور اسکی بیوی فرحت کا قاتل پولیس کی گرفت میں آگیا۔نیوکراچی پولیس کے مطابق ملزم محمد رفیع ولد محمد جان حیات نے دوران تفتیش قتل کا اعتراف کرکے آلہ قتل برآمد کروادیا۔ملزم رفیع کی الیکٹریشن کی دکان تھی جسمیں مقتول جمیل کا بیٹا اقبال کام کرتا تھا جہاں دونوں کی دوستی ہوئی۔مقتول جمیل نے ملزم رفیع کو 14 لاکھ روپے سود پر مختلف اوقات میں دیئے جسکا 72 ہزار روپے ماہانہ وصول کرتا تھا۔

 ملزم نے بتایا کہ کاروباری نقصان کے بعد اس کے لئے 72 ہزار ماہانہ دینا دشوار ہوگیا تھا جس پر مقتول اسے تنگ کرتا اور تقاضا کرتا تھا۔ ملزم نے تنگ آکر جمیل کے قتل کا منصوبہ بنایا. 17 فروری کو ملزم پیسوں کی ادائیگی کے لیے مقتول کے گھر گیا جہاں جیکٹ میں چھپائی ہوئی ہتھوڑی سے مقتول کے سر پر وار کرکے قتل کردیا۔ اسی اثناء میں مقتول کی بیوی فرحت موقع پر پہنچ گئی ،ملزم نے اسے بھی ہتھوڑی کے وار سے قتل کردیا۔

ملزم میاں بیوی کو قتل کرنے کے بعد مقتول کی حساب کی ڈائری اور دیا گیا چیک اور موبائل فونز اٹھا کر فرار ہوگیا۔ بعدازاں ڈائری کو جلا دیا اور آلہ قتل اپنے فلیٹ کے قریب نالے میں پھینک دیا۔ پولیس کو قتل کا علم قتل کے دوسرے روز 18فروری کو ہوا تھا جب مقتولین کے کرائے دار نے لاشیں دیکھ کر پولیس کو اطلاع دی تھی۔

Facebook Comments


Dharti News Headlines 6 PM The list of the most powerful countries in the world has been released | Dharti News Twenty percent of Pakistanis own 50 percent of the country’s wealth | Dharti News Dharti News Bulletin 04:30 PM Local and international News – Dharti News Local and International News Bulletin 12 PM Dharti News Headlines 9:00 AM