وبا کے خاتمے کی امید، امریکی عوام کے لیے خوشخبری

واشنگٹن:(دھرتی نیوز ڈیسک) عالمی کوروناوبا کے خاتمے کے لیے دنیا بھر میں کوششیں جاری ہیں، ویکسین بننے کے بعد ماہرین کو امید ہے کہ وائرس کا خاتمہ ہوجائے گا۔

کوروناوائرس کے خلاف اس جنگ میں امریکا بھی شامل ہے اور امریکی صدر جوبائیڈن نے عوام کو خوشخبری سنائی ہے کہ رواں سال مئی کے آخر تک تمام امریکیوں کے لیے کورونا ویکسین دستیاب ہوگی۔

ان کا کہنا ہے کہ وبا سے جنگ جاری ہے، ہر شخص ماسک پہنے، لوگوں کی زندگیوں کواب بھی خطرہ ہے۔

دوسری جانب امریکا کی چار ریاستوں میں ماسک پہننے کی پابندی ختم کرنے کا اعلان سامنے آگیا جس کے بعد طبی ماہرین نے حکومت کے اس اقدام کو خطرناک قرار دیا ہے۔

امریکی ریاست ٹیکساس اور میسی سپی کے گورنرز نے ماسک کی پابندی ختم کردی ہے۔ اسی طرح ریاست مونٹانا اور آئیوا نے بھی شہریوں پر ماسک پہننے کی پابندی اٹھالی گئی۔

گورنر ٹیکساس گریگ ایبٹ نے احکامات ایگزیکٹیو حکم نامے سے جاری کیے۔