ایمن خان نے ماورہ حسین کے بارے میں ایسی بات کہہ دی کہ سوشل میڈیا پر طوفان آگیا
کراچی (دھرتی نیوز) اداکارہ ایمن خان نے مشورہ دیا ہے کہ اداکارہ ماورہ حسین بہت دبلی ہیں انہیں وزن بڑھانا چاہیے۔ ان کے اس مشورے کے بعد سوشل میڈیا پرایمن خان کو کڑی تنقید کا سامنا ہے۔
ایمن خان نے اپنے شوہر منیب بٹ کے ہمراہ ایک ٹی وی پروگرام میں شرکت کی۔ اس دوران ان سے سوال پوچھا گیا کہ انہیں ماورہ حسین کی ایک بات جو سب سے اچھی لگتی ہو اس کے بارے میں بتائیں۔ ایمن خان نے کہا کہ انہیں ماورہ حسین کی وہ تصاویر بہت اچھی لگتی ہیں جو وہ جمعہ کے روز ’جمعہ مبارک‘ کے کیپشن کے ساتھ سوشل میڈیا پر شیئر کرتی ہیں۔
View this post on Instagram
ایمن خان سے جب پوچھا گیا کہ وہ ماورہ کو کیا مشورہ دینا چاہیں گی تو انہوں نے کہا کہ ماورہ کو وزن بڑھانا چاہیے، وہ بہت ہی دبلی ہیں۔ ایمن خان نے اداکارہ صبور علی کو بھی مشورہ دیا کہ انہیں بھی اپنا وزن بڑھانا چاہیے۔’میں جب صبور سے ملتی ہوں تو کہتی ہوں یار اگر تمہارے تین حصے کیے جائیں تو میں ایک بنوں گی۔‘ ایمن خان کے مطابق صبور علی اور ان کی بہن سجل علی دونوں ہی بہت دبلی ہیں۔
View this post on Instagram
ایمن خان کی جانب سے ماورہ حسین کو دبلی قرار دیے جانے پر سوشل میڈیا صارفین نے انہیں ’باڈی شیمنگ‘ کا طعنہ دیا ہے اور انہیں کڑی تنقید کا نشانہ بنا رہے ہیں۔
ایک صارف نے کہا کہ یہ باڈی شیمنگ ہے، ’پتلی ہے تو موٹی ہو، موٹی ہے تو پتلی ہو‘ معاشرہ کبھی خوش نہیں ہوتا، باڈی شیمنگ نہ تو مذاق ہے اور نہ ہی قابل قبول ہے۔ آخر یہ ایسی بات کر بھی کیسے سکتی ہے، کیا تمہیں پتہ ہے کہ اس طرح کے تبصروں کی وجہ سے کتنے لوگوں کو کھانے کا ڈس آرڈر لاحق ہوجاتا ہے۔
ایک اور صارف نے کہا کہ اگر یہی بات ایمن اور منال کو کہی جاتی اور انہیں وزن تھوڑا کرنے کا مشورہ دیا جاتا تو انہوں نےہنگامہ مچا دینا تھا۔
Facebook Comments