پروپوزل کی ویڈیو وائرل ہونے کے بعد یونیورسٹی سے نکالے جانے والے جوڑے نے شادی کرلی، دلہن کی تصدیق

لاہور (دھرتی نیوز) لاہور یونیورسٹی میں ایک دوسرے کو کھلے عام شادی کی پیشکش کرنے پر یونیورسٹی سے نکالے جانے والے جوڑے نے شادی کرلی ہے، سوشل میڈیا پر وائرل ہونیوالی ایک اخباری خبر کو لڑکی نے شیئرکرتے ہوئے لکھا کہ ” جزاک اللہ” ۔ اس اقدام سے تصدیق ہوتی ہے کہ دونوں رشتہ ازدواج میں منسلک ہوگئے ہیں ، دلہن نے دیگر لوگوں کا بھی شکریہ اداکیا۔

Jazakallah khair 🙏🤲❤️ https://t.co/os47N7PKua

— Shehryar Ahmad Rana (@ShehryarAhmed__) March 15, 2021

اس سے قبل حدیقہ اور شہریار نے اپنے اپنے اکاؤنٹ سے ’الحمداللہ‘ کا ٹوئٹ بھی سامنے آیا تھا۔

Allahumdulillah ! 🤲🙏

— Hadiqa Z Javaid (@HadiqaZJavaid_) March 15, 2021

یادرہے کہ پروپوزل کی ویڈیو سامنے آنے کے بعد سوشل میڈیا پر بحث شروع ہوگئی تھی جبکہ یونیورسٹی کی انتظامیہ نے انہیں درسگاہ سے ہی بے دخل کردیا تھا جس کے عبد متعدد معروف شخصیات کی جانب سے ان کی حمایت بھی کی گئی۔

اس حوالے سے سوشل میڈیا پر تنقید کی زد میں آنے والے لڑکے شہریار کا لڑکی کی حمایت میں بیان سامنے آیا تھا۔

لاھور یونیورسٹی میں پبلک کے سامنے ایک دوسرے سے منگنی کرنے والے جوڑے نے شادی کر لی
ہمارا مطالبہ؛ یونیورسٹی ان دونوں کو واپس داخلہ دے
ان رجعتی عناصر کے لئے شرم کا مقام جو اس جوڑے کے اس قدم کو فحاشی قرار دے رھے تھے۔
(روزنامہ جنگ لاھور ) pic.twitter.com/V4C9gnU8tx

— Farooq Tariq (@FarooqTariq3) March 15, 2021

نوجوان نے کہا تھا کہ لڑکی معصوم ہے لہذا اس کی تصاویر یوں سوشل میڈیا پر وائرل نہ کی جائیں۔شہریار نے لکھا کہ ’لڑکی کے کردار کے بارے میں کوئی بات نہ کریں کیونکہ اس سے اسے اور اس کے اہل خانہ کو اذیت پہنچے گی ، وہ پہلے ہی پریشان ہیں اور اپنی بیٹی کے بارے میں فکر مند ہیں۔ ‘