علی گُل پیر نے کرپشن سے نمٹنے کا طریقہ بتادیا
پاکستانی گلوکار اور کامیڈین علی گُل پیر نے اپنی نئی ویڈیو میں مداحوں کو کرپشن سے نمٹنےکا طریقہ بتادیا۔
ٹوئٹر پر علی گل پیر کی ایک نئی ویڈیو وائرل ہورہی ہے جس میں وہ عمران خان کے مشہور بیان کی پیروڈی کرتے ہوئے مداحوں کو کرپشن سے نمٹنے کے طریقے سمجھارہے ہیں۔
خیال رہے کہ وزیراعظم عمران خان کا کرپشن سے متعلق ایک بیان خاصا وائرل ہوا تھا جس میں عمران خان کا کہنا تھا کہ جو شخص اربوں روپے کی کرپشن کرنے کے بعد جیل سے آتا ہے اس پر لوگ پھول پھینکتے ہیں مجھے یہ بتائیں کہ کرپشن کیسے ختم ہوگی۔
Original pic.twitter.com/9kAGM6UJB0
— Ali Gul Pir (@Aligulpir) March 17, 2021
عمران خان کا کہنا تھا کہ جو کرپشن کریں وہ ہم میں سے نہیں لوگوں کو چاہیے کہ اسے شادیوں میں نہ بلوائیں ،نہ ہی ان کو لوگ پارٹیز میں بلوایا جائے۔
اپنی نئی ویڈیو میں علی گل پیر عمران خان کے بیان پر مختلف اور دلچسپ انداز میں اداکاری کرتے دیکھتے جاسکتے ہیں۔
کامیڈین کی جانب سے نئی ویڈیو پوسٹ وزیراعظم عمران خان کو بھی ٹیگ کی گئی ہے جب کہ علی گل پیر نے اپنی ویڈیو میں ا#NoMoreParty اور#NoMoreShaadi کا ہیش ٹیگ بھی استعمال کیا ہے۔
Facebook Comments