جمعرات 28 مارچ 2024

احسن محسن کی گرل فرینڈ منال کے ہمراہ سوئمنگ کی ویڈیو وائرل

پاکستان شوبز انڈسٹری سے منسلک مقبول اداکارہ منال خان اور اداکار محسن اکرام کی سوئمنگ ویڈیو وائرل ہو رہی ہے۔

گزشتہ روز اداکار احسن محسن نے مقبول فوٹو شیئرنگ ایپ انسٹاگرام کے تصدیق شدہ اکاؤنٹ پر ایک ویڈیو شیئر کی جس میں انہیں ان کی گرل فرینڈ منال خان کے ہمراہ سوئمنگ کرتے دیکھا جا سکتا ہے۔

احسن محسن کی جانب سے یہ ویڈیو منال کے ساتھ تعلقات کے ایک سال مکمل ہونے پر شیئر کی گئی ہے ، ویڈیو پوسٹ میں احسن محسن نے کیپشن درج کرتے ہوئے لکھا کہ ایک سال مکمل ہوگیا ہے، مزید 100 سال آگے آئیں گے۔

اداکار اور اداکارہ کی ویڈیو کو کچھ ہی گھنٹوں کے دوران 82 ہزار سے زائد مرتبہ دیکھا جاچکا ہے تاہم اداکار کی جانب سے ویڈیو پوسٹ کے کمنٹ سیکشن کو بند کیا گیا ہے، اس کے برعکس دیگر پوسٹ پر احسن محسن کا کمنٹ سیکشن اوپن دیکھا جاسکتا ہے۔

خیال رہے کہ احسن محسن نے اداکارہ منال خان کو گزشتہ ماہ ویلنٹائن کے موقع پر پروپوز کیا تھا۔

Facebook Comments