جمعہ 29 مارچ 2024

بٹ کوائن دے کر نئی گاڑی کے مالک بن جائیں، کمپنی کے مالک کا اعلان

امریکا کی کار ساز کمپنی ٹیسلا کے مالک ایلون ماسک نے گاڑی کی فروخت کے لیے بٹ کوائن کرنسی استعمال کرنے کا اعلان کردیا۔

ایلون مسک نے سماجی رابطے کی ویب سائٹ پر اعلان کیا کہ ٹیسلا کی نئی گاڑیاں خریدنے کے خواہش مند افراد اب بٹ کوائن کی صورت رقم ادا کر کے بھی گاڑی لے سکتے ہیں۔

انہوں نے لکھا کہ ’اب ٹیسلا کی تیارہ کردہ گاڑیاں بٹ کوائن کے ذریعے بھی خریدی جاسکتی ہیں‘۔

ایلون نے لکھا کہ بٹ کوائن ادائیگی سے گاڑی خریدنے کی سہولت فی الحال امریکا کے لیے ہے، کوئی بھی شخص ٹیسلا کی تیار کردہ الیکٹرک گاڑیاں خرید سکتا ہے۔

انہوں نے اعلان کیا کہ رواں سال کے آخر تک امریکا کے علاوہ دیگر ممالک میں بھی یہ سہولت دستیاب ہوگی۔

ایلون نے مزید وضاحت کی کہ فروخت ہونے والی گاڑیوں سے حاصل ہونے والے بٹ کوائن کے عوض کسی کو پیسے دیے جائیں گے اور نہ ہی اسے پیپر کرنسی میں تبدیل کیا جائے گا۔

واضح رہے کہ ٹیسلا کمپنی کے مالک نے حال ہی میں بٹ کوائن کی خریداری کے لیے 1.5 ارب ڈالرز کی سرمایہ کاری کی ہے، جس کی وجہ سے ڈیجیٹل کرنسی کی قیمت ریکارڈ سطح پر پہنچ گئی البتہ کمپنی کے حصص کی قیمت میں بیس فیصد کمی ہوئی ہے۔

Facebook Comments