ھفتہ 17 اپریل 2021

ویوو کا نیا اسمارٹ فون ایکس 60 ٹی متعارف

ویوو نے اپنی ایکس 60 سیریز کا نیا اسمارٹ فون متعارف کرادیا ہے۔

ویوو نے دسمبر 2020 میں ایکس 60 اور ایکس 60 پرو پیش کیے تھے جبکہ جنوری میں ایکس 60 پرو پلس سامنے آیا اور اب ایکس 60 ٹی متعارف کرایا گیا۔

یہ نیا فون بھی ایکس 60 سے ملتا جلتا ہے تاہم پراسیسر مختلف ہے۔

ایکس 60 ٹی میں ڈیمینسٹی 1100 پراسیسر موجود ہے جبکہ ایکس 60 میں ایکسینوس 1080 جبکہ اس کے گلوبل ورژن میں اسنیپ ڈراگون 970 پراسیسر دیا گیا۔

ایکس 60 ٹی میں 8 جی بی ریم اور 128 جی بی اسٹوریج موجود ہے۔

 اسی طرح 6.56 انچ کا فل ایچ ڈی پلس امولیڈ ڈسپلے 120 ہرٹز ریفریش ریٹ سپورٹ کے ساتھ ہے جبکہ فنگرپرنٹ سنسر اسکرین کے اندر نصب ہے۔

فون کے اندر 4300 ایم اے ایچ بیٹری 33 واٹ فاسٹ چارجنگ سپورٹ کے ساتھ دی گئی ہے۔

دیگر فیچرز میں این ایف سی، 5 جی سپورٹ اور اینڈرائیڈ 11 آپریٹنگ سسٹم قابل ذکر ہیں۔

فون کے بیک پر 3 کیمروں کا سیٹ اپ موجود ہے جس میں مین کیمرا 48 میگا پکسل کا ہے جس کے ساتھ 13 میگا پکسل الٹرا وائیڈ اور 13 میگا پکسل پورٹریٹ کیمرے موجود ہیں۔

کمپنی کے مطابق مین کیمرے میں گیمبل اسٹیبلائزیشن کا فیچر بھی دیا گیا ہے۔

فون کے فرنٹ پر 32 میگا پکسل سیلفی کیمرا دیا گیا ہے۔

یہ فون سب سے پہلے چین میں فروخت کے لیے پیش کیا گیا ہے جس کی قیمت 3498 یوآن (81 ہزار پاکستانی روپے سے زائد) رکھی گئی ہے۔

Facebook Comments


Dharti News Headlines 6 PM The list of the most powerful countries in the world has been released | Dharti News Twenty percent of Pakistanis own 50 percent of the country’s wealth | Dharti News Dharti News Bulletin 04:30 PM Local and international News – Dharti News Local and International News Bulletin 12 PM Dharti News Headlines 9:00 AM