اداکارہ ارمینا خان نے زندگی کے نئے سفر کا آغاز کر دیا

لندن: پاکستان کی خوبرو اداکارہ ارمینا خان اپنے قریبی دوست فیصل خان کے ساتھ شادی کے بندھن میں بندھ گئیں۔

تفصیلات کے مطابق معروف پاکستانی اداکارہ ارمینا خان نے ویلنٹائن ڈے کے موقع پر اپنے قریبی دوست فیصل خان کے ساتھ سوشل میڈیا کی ویب سائٹ انسٹاگرام پر تصویر شیئر کی اور ساتھ لکھا کہ میرے شوہر فیصل خان سے ملیں، ہمارا تعلق آفیشل ہے۔

ارمینا خان نے اپنی پوسٹ میں کہا کہ وہ شادی کے حوالے سے بعد میں ایک تقریب کا انعقاد کریں گے۔ اداکارہ نے اپنی پوسٹ میں مداحوں کی سپورٹ پر شکریہ ادا کرتے ہوئے ویلنٹائن ڈے کی مبارکباد بھی دی۔

دوسری جانب معروف اداکارہ کے شوہر فیصل خان نے بھی اپنے انسٹاگرام اکاؤنٹ پر یہ خوشخبری لوگوں کے ساتھ شیئر کی اور ارمینا خان کو اپنی بیوی کہہ کر متعارف کروایا۔

یاد رہے کہ نامور پاکستانی اداکارہ ارمینا خان نے فیصل خان کے ساتھ اپنی منگنی کا اعلان جولائی 2017ء میں انسٹاگرام پر کی جانے والی پوسٹ میں کیا تھا۔ اداکارہ نے کیوبا میں ساحل سمندر پر منگنی کی انگوٹھی پہنی تھی۔