بھارت میں آبادی کنٹرول کرنے کیلئے کنگنا نے سزا تجویز کردی

بالی وڈ اداکارہ کنگنا رناوت نے بھارت میں آبادی کو کنٹرول کرنے کیلئے تیسرے بچے کی پیدائش پر والدین کو سزا دینے کا مطالبہ کردیا۔

کنگنا رناوت اب اداکاری کی بجائے متنازع بیانات کے باعث زیادہ تر شہ سرخیوں میں رہتی ہیں اور آئے روز کسی نا کسی تنازع کا شکار بن جاتی ہیں۔

اب اداکارہ نے بھارت میں آبادی کو کنٹرول کرنے کیلئے تیسرے بچے کی پیدائش پر والدین کو سزا دینے کا مطالبہ کیا ہے۔

اپنی ٹوئٹ میں اداکارہ کا کہنا تھاکہ ہمیں آبادی کنٹرول کرنے کیلئے سخت قوانین بنانا چاہیئیں، یہ سچ یہ ہے کہ اندرا گاندھی الیکشن ہار گئیں تھیں اور بعد میں انہیں اس مسئلے کو اٹھانے پر مار دیا گیا تھا۔

We need strict laws for population control, enough of vote politics it’s true Indira Gandhi lost election and later was killed for taking this issue head on she forcefully sterilised people but looking at crisis today at least there should be fine or imprisonment for third child.

— Kangana Ranaut (@KanganaTeam) April 20, 2021

انہوں نے مزید کہا کہ موجودہ وقت میں بحران کے پیش نظر تیسرے بچے کی پیدائش پر والدین کو جیل یا کم از کم جرمانہ عائد کرنا چاہیے۔

اس بیان کے بعد سوشل میڈیا پر اداکارہ کو خوب تنقید کا نشانہ بنایا گیا اور سوشل میڈیا صارفین کا کہنا ہے کہ اداکارہ کے خود مزید 2 بہن بھائی ہیں۔