جمعرات 06 مئی 2021

”’ میں کوئی بڑآدمی نہیں ، مجھے بار بار رگڑا لگایا جارہاہے ۔۔“جسٹس قاضی فائز عیسیٰ نے سپریم کورٹ میں سماعت کے دوران یہ بات کیوں کہی ؟ جانئے

اسلام آباد (دھرتی نیوز )سپریم کورٹ میں کیس کی سماعت کے دوران عامر رحمان دلائل دے رہے تھے کہ جسٹس قاضی فائز عیسیٰ نے مداخلت کی جس پر جسٹس منظور ملک نے انہیں روک دیا ، عامر رحمان نے کہاکہ درخواست گزار بڑا آدمی ہے ،اس لیے مداخلت کی جارہی ہے جس پر جسٹس قاضی فائزعیسیٰ نے کہا کہ میں بڑآدمی نہیں ، مجھے بار بار رگڑا لگایاجارہاہے ۔

سپریم کورٹ میں دس رکنی فل بینچ نے جسٹس قاضی فائز عیسیٰ نظر ثانی کیس کی سماعت کی جس دوران عامر رحمان نے دلائل دیتے ہوئے کہا کہ سرینا عیسیٰ کا کیس ایف بی آر کو بھجوانے کی وجہ تنازع کا حل تھا ،جسٹس عمر عطا بندیال نے ریمارکس دیئے کہ کیایہ لکھناضروری ہے کہ فیصلہ 187 کے تحت دیاجارہاہے ،عامر رحمان نے کہا کہ عدالت کااختیار ہو تو فیصلے میں آرٹیکل کا ذکر ضروری نہیں ہو تا۔ د لائل کے دوران جسٹس قاضی فائز عیسیٰ نے مداخلت کی تو جسٹس منظور ملک نے ریمارکس دیتے ہوئے کہا کہ قاضی صاحب !عامررحمان شریف آدمی ہے،اسے بولنے دیں،تحمل کا مظاہرہ کریں اوروکیل کو دلائل دینے دیں،جسٹس قاضی ا مین نے ریمارکس دیتے ہوئے کہاکہ ہم سب کھلے دل اور ذہن کیساتھ بیٹھے ہوئے ہیں،عامر رحمان نے کہاکہ درخواست گزار بڑا آدمی ہے ،اس لیے مداخلت کی جارہی ہے،بار بار مداخلت سے میرے لیے دلائل دینا مشکل ہورہا ہے،جسٹس مقبول باقر نے ریمارکس دیئے کہ آپ بہترین دلائل دے رہے ہیں ،جاری رکھیں۔

 جسٹس فائز عیسیٰ نے کہاکہ میں بڑا آدمی نہیں ہوں،مجھے بار بار رگڑا لگایا جا رہا ہے،جسٹس مقبول باقر نے کہا کہ قاضی صاحب مہربانی کریں ،وفاقی حکومت کے وکیل نے دلائل دیتے ہوئے کہا کہ سپریم جوڈیشل کونسل ایک مستقل باڈی ہے ،یہ کہنا درست نہیں کہ ریفرنس پر ہی جوڈیشل کونسل تشکیل پاتی ہے ،جسٹس منصور علی شاہ نے ریمارکس دیتے ہوئے کہا کہ عدالت نے وفاقی حکومت کا ریفرنس کالعدم قرار دیا تھا ،ایف بی آر کو کیس عدالت نے حکومتی درخواست پر نہیں بھجوایا تھا ،حکومت کا کیس کالعدم ہو چکا تو حکومتی وکیل کو سننا کیوں ضروری ہے ،جن کا کیس ایف بی آر گیا انکا حق ہے وہ چیلنج کرتے ،وکیل نے کہا کہ پاناما کیس میں بھی عدالت نے مخصوص مدت میں تحقیقات کا حکم دیا تھا ، اداروں کو مخصوص مدت میں اقدامات کی ہدایت سپریم کورٹ کرتی رہی ہے ،

Facebook Comments


Holy Quran is re-placed in the Holy Haram – Dharti News Local and International News Bulletin 12 PM Dharti News Bulletin 03 PM Dharti News Local and International News Bulletin 12 PM Dharti News Headlines 9 AM Dharti News Bulletin 03 PM Pak Media Journalist Saudi Arabia Aftar Dinner – Dharti News Local and International Bulletin 01 PM