جمعرات 06 مئی 2021

بھارتی کرکٹ بورڈ نے آئی پی ایل ملتوی کر دی

ممبئی (دھرتی نیوز انٹرنیشنل ڈیسک)بھارت میں کورونا وائر س کے شددید پھیلاﺅ کے پیش نظر انڈین پریمیئر لیگ ملتوی کر دی گئی ہے ۔

 تفصیلات کے مطابق بھارتی کرکٹ بورڈ نے کورونا وائرس کے پھیلاﺅ کے باعث آئی پی ایل کو غیر معینہ مدت کیلئے ملتوی کرنے کا اعلان کر دیاہے ۔ بھارتی کرکٹ بورڈ نے پہلے آج کا میچ ملتوی کرنے کا اعلان کیا تھا لیکن بعدازاں پورا ٹورنامنٹ ہی ملتوی کرنے کا فیصلہ کیا گیا ۔ آئی پی ایل کی ٹیمیں کولکتہ نائٹ رائیڈرز ، سن رائزرز حیدرآباد سمیت دیگر ٹیموں کے کھلاڑیوں کے کورونا ٹیسٹ مثبت آئے تھے جنہیں آئیسولیٹ کر دیا گیا ہے ، تمام کھلاڑیوں کی دیکھ بھال جاری ہے ،طبی ماہرین ان سے مسلسل رابطے میں ہیں اور انہیں ہر قسم کی سہولیات فراہم کی جارہی ہیں ۔بھارتی کرکٹ بورڈ کا کہناہے کہ آئی پی ایل کی نئی تاریخوں اور مقام کا اعلان بعد میں کیا جائے گا ۔

 یاد رہے کہ اس سے قبل پاکستان سپر لیگ بھی ملتوی کی جا چکی ہے جو کہ پی سی بی جون میں کروانے کا ارادہ رکھتا ہے اور اس حوالے تیاریوں کو حتمی شکل بھی دی جارہی ہے ۔یہاں یہ امر بھی قابل ذکر ہے کہ بھارت میں گزشتہ دو ہفتوں سے کورونا نے تباہی مچا رکھی ہے اور روزانہ کی بنیاد پر ساڑھے تین لاکھ سے زائد کیسز رپورٹ ہو رہے ہیں جبکہ ساڑھے تین ہزار اموات ہو رہی ہیں ۔ بھارت میں میتوں کو جلانے کیلئے اہل خانہ کو چھ چھ گھنٹے تک انتظار کرنا پڑتا ہے جبکہ کوئی جگہ خالی نہیں بچی ہے ۔

Facebook Comments


Holy Quran is re-placed in the Holy Haram – Dharti News Local and International News Bulletin 12 PM Dharti News Bulletin 03 PM Dharti News Local and International News Bulletin 12 PM Dharti News Headlines 9 AM Dharti News Bulletin 03 PM Pak Media Journalist Saudi Arabia Aftar Dinner – Dharti News Local and International Bulletin 01 PM