جمعرات 06 مئی 2021

بدترین مہنگائی۔ملک چلانا عمران خان کے بس کی بات نہیں:بلاول

(دھرتی نیوز) پیپلز پارٹی کے چیئرمین بلاول بھٹو زرداری کا مہنگائی سے متعلق کہنا ہے کہ وزیراعظم ہوش کے ناخن لیں، ملک میں مہنگائی کی ماہانہ شرح 11.1 فیصد ہے، عمران خان کی حکومت کا ہر گزرتا دن مہنگائی کا طوفان لارہا ہے۔

غریبوں کا کوئی پرسان حال نہیں،مہنگائی سے عوام پریشان ہیں۔ بلاول بھٹو زرداری نے مہنگائی کی ریکارڈ شرح پر حکومت پر کڑی تنقید کرتے ہوئے کہا ہے کہ المیہ ہےکہ ملک میں مہنگائی میں کمی کا کوئی امکان نہیں ہے، اس وقت ملک میں مہنگائی کی سالانہ شرح 14.1 فیصد تک پہنچ گئی ہے، ڈبلیو پی آئی کے مطابق مہنگائی کی شرح 16.6 فیصد ہے۔چیئرمین پی پی نے کہا ہے کہ ایس پی آئی کے مطابق تو مہنگائی کی شرح 21.3 فیصد تک پہنچ چکی ہے۔

انہوں نے مزید کہا کہ گندم اور گنا پیدا کرنے والا ملک چینی اور آٹا درآمد کرے گا تو کیسے ملک چلے گا؟ رمضان میں مختصر دسترخوان عمران خان کی نا اہلی کی داستانیں سنا رہے ہیں۔ عوام عمران خان کو مہنگائی کی دہائیاں دے رہے ہیں اور عمران خان اپنی تعریف کے علاوہ کچھ سننے کو تیار نہیں، عمران خان مہنگائی کی قیامت ڈھا رہے ہیں۔بلاول بھٹو زرداری نے کہا ہے کہ سندھ حکومت نے کمر توڑ مہنگائی میں بے نظیر مزدور کارڈ کا اجرا کیا ہے، پی پی پی بینظیر کارڈ جاری کر رہی ہے، پیپلزپارٹی ملک بھر کے مزدوروں کے لئے بے نظیر کارڈ جاری کرے گی۔انہوں نے مزید کہا کہ عمران خان آلو، پیاز اور ٹماٹر کی قیمتیں تو سنبھال نہیں پارہے، ملک کیا چلائیں گے؟ وہ کون سی ایسی چیز ہے کہ جس کی قیمت میں اضافہ نہ ہوا ہو۔

Facebook Comments


Holy Quran is re-placed in the Holy Haram – Dharti News Local and International News Bulletin 12 PM Dharti News Bulletin 03 PM Dharti News Local and International News Bulletin 12 PM Dharti News Headlines 9 AM Dharti News Bulletin 03 PM Pak Media Journalist Saudi Arabia Aftar Dinner – Dharti News Local and International Bulletin 01 PM