جمعہ 29 مارچ 2024

صحت ایک نعمت: بندر نے ویٹ لفٹنگ میں انسانوں کو پیچھے چھوڑ دیا، ویڈیو دیکھیں

صحت ایک نعمت: بندر نے ویٹ لفٹنگ میں انسانوں کو پیچھے چھوڑ دیا، ویڈیو دیکھیں

بنکاک: آپ نے دنیا بھر میں انسانوں کو ورزش اور ویٹ لفٹنگ کرتے دیکھا ہوگا لیکن ان دنوں سوشل میڈیا پر ایسی حیرت انگیز ویڈیو وائرل ہے جس میں ایک بندر ویٹ لفٹنگ کرتا نظر آرہا ے۔

غیرملکی خبررساں ادارے کی رپورٹ کے مطابق تھائی لینڈ کے صوبے پھوکٹ میں قائم ایک پارک سے یہ ویڈیو سامنے آئی جس نے سب کو ورطہ حیرت میں مبتلا کردیا، مذکورہ بندر نہ صرف ویٹ لفٹنگ کرتا ہے بلکہ پش اپ کے ساتھ ساتھ مختلف قسم کے کرتب بھی دکھاتا ہے۔

رپورٹ میں کہا گیا ہے کہ اس طرح یہاں دیگر جانوروں کو بھی ٹرین کیا جاتا ہے تاکہ وہ آنے والے سیاحوں کو خوب محظوظ کرسکیں، ویڈیو میں نظر آنے والا بندر پانی میں تیراکی بھی بڑی مہارت سے کرتا ہے۔

دوسری جانب جانوروں کا خیال رکھنے والی تنظیموں نے اس ویڈیو پر پارک انتظایہ کو شدید تنقید کا نشانہ بھی بنایا، ان کے مطابق جانوروں کو تشدد کرکے کسی کام پر مجبور کرنا جرم ہے، جبکہ کسی بھی خطرے کے پیش نظر انتظامیہ بندروں کے دانت بھی کاٹ ڈالتے ہیں۔

غیرملکی میڈیا کا کہنا ہے کہ اگر جانور کرتب نہ دکھائیں تو انہیں سزا بھی دی جاتی ہے۔

Facebook Comments