محمد عامر کی پشاور زلمی کو زبردست شکست
پاکستان سپر لیگ (پی ایس ایل) 2020ء کے 15ویں میچ کا آغاز ہی دھماکہ خیز تھا۔ پہلے اوور میں ہی محمد عامر نے پشاور زلمی کے کھلاڑیوں پر کچھ ایسا اثر ڈالا کہ وہ میچ کے اختتام تک اس سے نکل ہی نہ پائے۔
محمد عامر کی پہلی ہی گیند پر ٹام بینٹن ایل بی ڈبلیو ہوئے مگر امپائر نے اس کا انکار کردیا۔ بظاہر لگ بھی یہی رہا تھا کہ بال لیگ اسٹمپ سے باہر گری ہے لیکن محمد عامر نہ صرف خود پُرامید تھے کہ یہ آؤٹ ہے بلکہ انہوں نے کپتان عماد وسیم کو بھی ریویو لینے کے لیے راضی کرلیا، اور سچ پوچھیے تو کیا ہی بہترین ریویو تھا۔
جس بال کے بارے میں امپائر، کمنٹیٹرز اور تماشائیوں، سب کو یقین تھا کہ یہ لیگ اسٹمپ سے باہر گری ہے، ان سب کو اس ریویو نے غلط ثابت کردیا اور یوں ٹام بینٹن پاکستان سپر لیگ میں ایک بار پھر ناکام ہوکر پویلین لوٹ گئے۔
محمد عامر کی اگلی گیند جو یارکر پھینکنے کی کوشش میں فل ٹاس بن گئی، اس کو حیدر علی نے سیدھا چوکا مار دیا لیکن اگلی ہی گیند جو آف اسٹمپ پر گری، باہر جانے کے بجائے سیدھی ہوگئی اور پھر جس گیند کو روہت شرما جیسا بیٹسمین نہ کھیل سکا وہ نوجوان حیدر علی کے بس میں کہاں تھی۔
Cricingif
✔@_cricingif
متعلقہ خبریں
Facebook Comments