پیر 01 مارچ 2021

سعودی آرامکو نے سپر کمپیوٹر متعارف کروادیا

سعودی آرامکو

ریاض(دھرتی نیوز انٹرنیشنل ڈیسک) سعودی آرامکو اور ایس ٹی سی نے دنیا کے پہلے دس طاقتور کمپیوٹرز میں شامل نیا سپر کمپیوٹر ’دمام 7’ متعارف کروادیا۔

عرب میڈیا کے مطابق سعودی آرامکو اور ایس ٹی سی کی جانب سے متعارف کروایا جانے والا سپر کمپیوٹر دمام 7 تلاش اور ترقی میں نئے مواقع فراہم کرنے کے ساتھ ساتھ آرامکو کی تلاش اور سرمایہ کاری سے متعلق فیصلہ سازی میں اضافہ کرے گا۔

رپورٹ کے مطابق سپر کمپیوٹر آرامکو کی ڈیجیٹل منتقلی کی جانب یہ اگلا قدم ہے، یہ ارضیاتی سائنس میں اپنی صنعتی قیادت کو تقویت بھی دیتا ہے، یہ کمپیوٹر ان جدید ٹیکنالوجیز کے سلسلے کی تکمیل کرتا ہے جو کلیدی کارروائیوں اور ڈرائیونگ صلاحیتوں کو نئی شکل دے رہی ہیں۔

دمام 7 سپر کمپیوٹر دہران کی ٹیکنو ویلی میں تیار کیا گیا اس میں شراکت کرنے والوں میں ایس ٹی سی گروپ کا ماتحت ادارہ ’سولیوشنز‘ اور ہیولٹ پیکارڈ انٹر پرائزز کا ماتحت ادارہ ’کرے‘ شامل ہیں۔

رپورٹ کے مطابق اس سپر کمپیوٹر میں 55.4 پیٹا فلوپس کی ’’پیک کمپیوٹنگ پاور‘‘ موجود ہے جو اسے دنیا کے سب سے بڑے جیوفزیکل ڈیٹاسیٹس کی تصویر لینے اور اسے پراسیس کرنے کے قابل بناتی ہے۔

آرامکو کے صدر اور چیف ایگزیکٹیو آفیسرامین ناصر نے اس کمپیوٹر کے بارے میں بتایا ہے کہ ’’دمام۔7سپر کمپیوٹر‘‘ ہمارے اپ اسٹریم کاروبار میں طویل مدتی ’’دریافت و تلاش‘‘حکمت عملی کے حصے کے طور پر کامیابیوں میں مدد کرے گا۔

انہوں نے کہا کہ یہ ٹیکنالوجی جو پیچیدہ ڈیٹا کو تیزتر انداز میں پراسیس کرتی ہے، نئی دریافت اور وسیع تر بازیافت کے قابل بنائے گی جوتوانائی کی طلب کو پورا کرنے کے لئے مناسب فراہمی کی دستیابی اورپیداوار میں اضافہ کرتے ہوئے لاگت میں کمی کو یقینی بنانے کےلئے انتہائی ضروری ہے۔

یہ بھی پڑھیں  اسلام آباد: جے یو آئی رہنما کے قتل کیخلاف احتجاج

امین ناصر نے کہا کہ یہ ٹیکنالوجی میں تسلسل کے ساتھ سرمایہ کاری، ہماری کمپنی کی طویل مدتی پیداواری حکمت عملی کے لئے ضروری ہے جبکہ ’’دمام۔7 سپر کمپیوٹر‘‘ درست ٹیکنالوجی میں سرمایہ کاری کے ہمارے منصوبے کی جانب ایک اور قدم ہے جو پیداواری صلاحیت اور لچک کو رواں رکھتی ہے۔

Facebook Comments


Dharti News Sports Bulletin 7 PM Dharti News Germany and Europe News Bulletin 04 PM Dharti News Local and International News Bulletin 02 PM Dharti News Headlines 12 PM|لاک ڈاؤن کے خلاف شہری سڑکوں پر نکل آئے Dharti News Sports Bulletin 7 PM Dharti News Germany and Europe News Bulletin 04 PM