سینیٹ انتخابات کیلئے ووٹ ڈالنے کے فوری بعد فیصل واوڈا نے قومی اسمبلی کی رکنیت سے استعفیٰ دیدیا

اسلام آباد (دھرتی نیوز)پاکستان تحریک انصاف کے رہنما فیصل واوڈا نے سینیٹ انتخابات کیلئے ووٹ کاسٹ کرنے کے بعد اسمبلی رکنیت سے استعفیٰ دیدیا جو کہ اسلام آبادہائیکورٹ کے رجسٹرار آفس میں بھی جمع کروا دیاہے ۔

تفصیلات کے مطابق اسلام آباد ہائیکورٹ کے جسٹس عامر فاروق نے فیصل واوڈا کیخلاف دوہری شہریت چھپانے پر نااہلی کیس کی سماعت کی ، جس دوران فیصل واوڈا کے وکیل نے پی ٹی آئی رہنماکا استعفیٰ 9 بج کر 35 منٹ پر رجسٹرار آفس میں جمع کروا دیا۔ فیصل واوڈا کے وکیل کا کہناتھا کہ الیکشن کمیشن نے فیصل واوڈا کو ابھی تک ڈی نوٹیفائی نہیں کیاہے ، اس لیے وہ قومی اسمبلی میں ووٹ کاسٹ کر رہے ہیں ۔

 یاد رہے کہ فیصل واوڈا سینیٹ انتخابات کیلئے قومی اسمبلی میں اپنا ووٹ کا سٹ کر چکے ہیں اور وہ خود سینیٹر کے امید وار بھی ہیں۔